www.samajalive.in
Saturday, December 6, 2025
26.1 C
Bhubaneswar

କାନ୍‍ଭାସରେ ବିଶ୍ୱକପ୍; ପ୍ରଦର୍ଶିତ ହେବ ୧୦୦ ଚିତ୍ରକଳା

ଭୁବନେଶ୍ୱର : କାନଭାସରେ ବିଶ୍ୱକପ ହକି। ଷ୍ଟିକ୍‍ ସହିତ ଖେଳାଳି ଓ ଟର୍ଫ। ହକି ବିଶ୍ୱକପ ଆଉ ମାତ୍ର ୫୧ ଦିନ ରହିଥିବାବେଳେ ପ୍ରତିଯୋଗିତାକୁ ଅଧିକ ଆକର୍ଷଣୀୟ ଓ ପ୍ରଚାର ପ୍ରସାର କରିବା ଲକ୍ଷ୍ୟରେ ପାନ୍ଥନିବାସଠାରେ ଆୟୋଜିତ ହୋଇଥିଲା ହକି ବିଶ୍ୱକପ ଜାତୀୟ ସ୍ତରୀୟ ଚିତ୍ରକଳା ଶିବିର। ରାଜ୍ୟ କ୍ରୀଡ଼ା ଓ ଯୁବ ସେବା ବିଭାଗ ସହାୟତାରେ ଓଡ଼ିଶା ଲଳିତ କଳା ଏକାଡ଼େମୀ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ଓ ଓଡ଼ିଶା ଖଣି ନିଗମ ଆନୁକୂଲ୍ୟରେ ଆୟୋଜିତ ଚିତ୍ରକଳା ଶିବିରରେ ଭୁବନେଶ୍ୱରରେ ହେବାକୁ ଥିବା ହକି ବିଶ୍ୱକପର ପ୍ରତିଛବିକୁ କଳାକାରମାନେ ରଙ୍ଗ ଓ ତୂଳୀର ମୁନରେ ଉପସ୍ଥାପନା କରିଛନ୍ତି। ଚିତ୍ରଶିଳ୍ପୀମାନେ ପଡିଆରେ ଖେଳାଳି ହକି ଷ୍ଟିକ୍‍ ଧରି ଖେଳିବା, ପ୍ରତିପକ୍ଷଙ୍କ ଆକ୍ରମଣକୁ କିଭଳି ମୁକାବିଲା କରିବା, ଗୋଲ ସ୍କୋର କରିବା ଓ ଦଳ ବିଜୟୀ ହେବା ପରେ ପାଳନ କରୁଥିବା ଉତ୍ସବକୁ ରଙ୍ଗ ତୂଳୀରେ ସ୍ଥାନ ଦେଇଛନ୍ତି।
ଏହାଛଡ଼ା ବିଶ୍ୱକପ ଲାଗି କଳିଙ୍ଗ ଷ୍ଟାଡ଼ିୟମରେ ନୂତନ ଭାବେ ପ୍ରସ୍ତୁତ ହୋଇଥିବା ହକି ଷ୍ଟାଡ଼ିୟମ, ଟର୍ଫ, ଗ୍ୟାଲେରୀକୁ କାନ୍‍ଭାସରେ ସ୍ଥାନ ଦିଆଯାଇଛି। ହକି ଯାଦୁଗର ମେଜର ଧ୍ୟାନଚାନ୍ଦଙ୍କ ଠାରୁ ଆରମ୍ଭ କରି ଭାରତୀୟ ହକିର ମହାନ କିମ୍ପଦନ୍ତୀ ଖେଳାଳିଙ୍କ ପ୍ରତିଛବିକୁ ଚିତ୍ରଶିଳ୍ପୀମାନେ ସ୍ଥାନ ପାଇଛନ୍ତି। ସେହିପରି ୧୯୭୫ ରେ ବିଶ୍ୱକପ ହକି ଚମ୍ପିଆନ ହୋଇଥିବା ଭାରତୀୟ ଦଳର ବିଜୟ ଉତ୍ସବକୁ ମଧ୍ୟ ଚିତ୍ରଶିଳ୍ପୀମାନେ ରଙ୍ଗତୁଳୀରେ ସ୍ଥାନ ଦେଇଛନ୍ତି। ସେହିପରି ମାସ୍କଟ ଓଲି ସମେତ ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଥିବା ଆୟୋଜକ ଭାରତ ସମେତ ପାକିସ୍ତାନ, ଅଷ୍ଟ୍ରେଲିଆ, ଜର୍ମାନୀ, ନେଦରଲାଣ୍ଡ, ସ୍ପେନ, ଦକ୍ଷିଣଆଫ୍ରିକା, ଆର୍ଜେଣ୍ଟିନା, ବେଲଜିୟମ,​ ନ୍ୟୁଜିଲାଣ୍ଡ, କାନାଡ଼ା, ଫ୍ରାନ୍ସ, ଆୟରଲାଣ୍ଡ, ମାଲେସିଆ, ଇଂଲଣ୍ଡ ଓ ଚୀନ୍‍ ଦଳର ଜାତୀୟ ପତାକା ଓ ଲୋଗୋ ମଧ୍ୟ କାନ୍‍ଭାସରେ ସ୍ଥାନ ଦିଆଯାଇଛି। ଶିବିରରେ ୨୫ରୁ ଊର୍ଦ୍ଧ୍ବ କଳାକାର ହକି ଖେଳକୁ କାନ୍‍ଭାସରେ ସ୍ଥାନ ଦେଇଛନ୍ତି। ଶିବିରରେ ଚିତ୍ରଶିଳ୍ପୀ ଆଶୁତୋଷ ପାତ୍ର, ବିକ୍ରମ ରାଉତରାୟ, ବୀରେନ୍ଦ୍ର ପାଣି, ଆଦିତ୍ୟ ସିକ୍ରେ, ଚକ୍ରଧର ବେହେରା, ଜନ ଡୋଗଲସ, ଗଜେନ୍ଦ୍ର କୁମାର ପାଢୀ, ଦିବ୍ୟସିଂହ ସ୍ୱାଇଁ ପ୍ରମୁଖଙ୍କ ସମେତ ୨୫ଜଣ ରାଜ୍ୟ ଓ ଜାତୀୟ ଚିତ୍ରଶିଳ୍ପୀ ଭାଗ ନେଇଥିଲେ। ଅଂଶଗ୍ରହଣ କରିଥିବା ଚିତ୍ରଶିଳ୍ପୀମାନଙ୍କୁ ଆୟୋଜକଙ୍କ ପକ୍ଷରୁ ଆର୍ଥିକ ପୁରସ୍କାର ସହ ସମ୍ମାନିତ କରାଯାଇଥିଲା। କାନ୍‍ଭାସରେ ସ୍ଥାନ ପାଇଥିବା ହକି ବିଶ୍ୱକପର ପ୍ରତିଟି ଚିତ୍ର ନଭେମ୍ବର ୨୮ରୁ ଡିସେମ୍ବର ୧୮ ପର୍ଯ୍ୟନ୍ତ କଳିଙ୍ଗ ଷ୍ଟାଡ଼ିୟମରେ ଆୟୋଜିତ ହେବାକୁ ଥିବା ହକି ବିଶ୍ୱକପ ସମୟରେ ପ୍ରଦର୍ଶିତ କରାଯିବ। ଏହାଛଡ଼ା ଚଳିତ ଅକ୍ଟୋବର ୧୦ରେ ହକି ଷ୍ଟାଡ଼ିୟମ ଉଦ୍‍ଘାଟିତ ହେବ। ଏଥିରେ ମଧ୍ୟ କାନ୍‍ଭାସର ଏହି ହକି ବିଶ୍ୱକପକୁ ପ୍ରଦର୍ଶିିତ କରାଯିବ ବୋଲି କ୍ରୀଡ଼ା ଓ ଯୁବ ସେବା ବିଭାଗ ନିର୍ଦେଶକ ଆର. ବିନୀଳ କୃଷ୍ଣ ସୂଚନା ଦେଇଛନ୍ତି।

Hot this week

ବାବ୍ରି ମସଜିଦ ପାଇଁ ଭିତ୍ତିପ୍ରସ୍ତର ସ୍ଥାପନ କଲେ ଟିଏମସିରୁ ନିଲମ୍ବିତ ବିଧାୟକ

ସମାଜଲାଇଭ ଡେସ୍କ: ଟିଏମସିରୁ ନିଲମ୍ବିତ ହୋଇଥିବା ବିଧାୟକ ହୁମାୟୁନ କବିର ବାବ୍ରି...

ଇଣ୍ଡିଗୋ ବିମାନ ସଙ୍କଟ : ସୁପ୍ରିମକୋର୍ଟରେ ଜନସ୍ୱାର୍ଥ ମାମଲା ଦାୟର

ନୂଆଦିଲ୍ଲୀ: ଇଣ୍ଡିଗୋ ବିମାନ ବାରମ୍ବାର ବାତିଲ ଯୋଗୁଁ ଯାତ୍ରୀ ମାନଙ୍କ ମଧ୍ୟରେ...

ବିଗ୍ ବସ୍ ୧୯ ଗ୍ରାଣ୍ଡ ଫିନାଲେ; କିଏ ହେବେ ବିଜେତା ?

ନୂଆଦିଲ୍ଲୀ: ସଲମାନ ଖାନଙ୍କ ରିଆଲିଟି ଶୋ, ବିଗ୍ ବସ୍ ୧୯ର ଗ୍ରାଣ୍ଡ...

ନିୟମିତ କରନ୍ତୁ ଏହି ଯୋଗାସନ, ଦୂର ହେବ ମଧୁମେହ…

ନୂଆଦିଲ୍ଲୀ: ସୁସ୍ଥ ଏବଂ ନିରୋଗ ରହିବାକୁ ଲୋକେ ବିଭିନ୍ନ ଉପାୟ ଅବଲମ୍ବନ...

ଇଣ୍ଡିଗୋ ଅଚଳାବସ୍ଥା ଘଟଣାରେ ଦାୟୀବ୍ୟକ୍ତି କ୍ଷତି ଭରିବାକୁ ମନ୍ତ୍ରୀଙ୍କ ନିଷ୍ପତ୍ତି

ସମାଜ ଲାଇଭ ଡ଼େସ୍କ : ଇଣ୍ଡିଗୋ ବିମାନ ଅଚଳାବସ୍ଥା ଘଟଣାରେ ବଡ...

Related Articles

Popular Categories