କଣ୍ଟାବାଞ୍ଜି : କଣ୍ଟାବାଞ୍ଜି ଆୟୁବ ଖାନ ମଲ୍ଟି ସ୍ପେଶାଲିଷ୍ଟ ହସ୍ପିଟାଲ ପକ୍ଷରୁ ଏକ ଦ୍ଵିବସୀୟ ନିଶୁଳ୍କ ସ୍ଵାସ୍ଥ୍ୟ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା । ସର୍ଜରୀ ବିଶେଷଜ୍ଞ ଡାକ୍ତର ଧରବିନ୍ଦ୍ ଝା, ମେଡିସିନ ବିଶେଷଜ୍ଞ ଡାକ୍ତର ହେମନ୍ତ କୁମାର ମେହେର, କିଡନୀ ଏବଂ ମୂତ୍ର ବିଶେଷଜ୍ଞ ଡାକ୍ତର ଅମଜଦ ଖାଁ, ସ୍ତ୍ରୀ ଓ ମହିଳା ରୋଗ ବିଶେଷଜ୍ଞ ଡାକ୍ତର ଏନ.କେ. ପାଣିଗ୍ରାହୀ, ରେଡିଓଲୋଜିଷ୍ଟ ବିଶେଷଜ୍ଞ ଡାକ୍ତର ଅମତୁଲ ଖାନ, ଅସ୍ଥି ସଲ୍ୟ ବିଶେଷଜ୍ଞ ଡାକ୍ତର ଦେବାଶିଷ ମେହେର ପ୍ରମୁଖ ଏହି ଶିବିରରେ ରୋଗୀମାନଙ୍କୁ ସେବା ଯୋଗାଇଥିଲେ । ଏହି ନିଶୁଳ୍କ ସ୍ୱାସ୍ଥ୍ୟ ଚିକିତ୍ସା ଶିବିରରେ କଣ୍ଟାବାଞ୍ଜିର ପୂର୍ବତନ ବିଧାୟକ ତଥା ବିଜୁ ଜନତା ଦଳର ରାଜ୍ୟ ସାଧାରଣ ସମ୍ପାଦକ ହାଜି ମହମ୍ମଦ ଆୟୁବ ଖାନ ଯୋଗ ଦେଇଥିଲେ। କଣ୍ଟାବାଞ୍ଜି ସହର ତଥା ଏହାର ଆଖପାଖ ଅଞ୍ଚଳର ୪୦୦ ରୁ ଉର୍ଦ୍ଧ ରୋଗୀ ସେମାନଙ୍କର ଚିକିତ୍ସା କରି ଏହି ଶିବିରର ସୁଯୋଗ ନେଇଥିଲେ ।
ଏହି ଅବସରରେ ରୋଗୀଙ୍କୁ ମାଗଣା ଔଷଧ ବଣ୍ଟନ କରାଯାଇଥିଲା । ହସ୍ପିଟାଲର ଏମ.ଡି. ଡାକ୍ତର ଅମଜଦ ଖାନ କହିଛନ୍ତି ଯେ ଆଗାମୀ ସମୟରେ ଆୟୁବ ଖାନ ମଲ୍ଟି ସ୍ପେସିଆଲିଷ୍ଟ ହସ୍ପିଟାଲ ଦ୍ୱାରା ସମଗ୍ର ଅଞ୍ଚଳର ବିଭିନ୍ନ ସ୍ଥାନରେ ନିଶୁଳ୍କ ଚିକିତ୍ସା ଶିବିର ଆୟୋଜନ କରାଯିବ ଏବଂ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ହିତାଧିକାରୀମାନେ ଏହି ଡାକ୍ତରଖାନାରୁ ସମ୍ପୂର୍ଣ୍ଣ ମାଗଣା ଚିକିତ୍ସା ପାଇବେ ବୋଲି ସୂଚନା ଦେଇଛନ୍ତି ।
