କଣ୍ଟାବାଞ୍ଜି : କାମ ସାରି ଫେରିବା ବାଟରେ ଯୁବକଙ୍କୁ ମରଣାନ୍ତକ ଆକ୍ରମଣ। ସହର ଉପକଣ୍ଠ ଆଶ୍ରମପଡା ପାଖରେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇ ଥିବା ଥାନାରେ ଲିଖିତ ଅଭିଯୋଗ ହୋଇଛି। ପ୍ରାପ୍ତ ସୂଚନାରୁ ଜଣାପଡିଛି ତୁରେକେଲା ବ୍ଲକ ମହୁଲପାଟି ଗ୍ରାମପଞ୍ଚାୟତ ଅନ୍ତର୍ଗତ ମାଲିକଦର ଗାଁର ଦୁଇ କାକା ପୁତୁରା ତ୍ରିନାଥ ରଣା ଓ କର୍ଣ୍ଣ ରଣା କୌଣସି କାମରେ କଣ୍ଟାବାଞ୍ଜି ଆସି ଅପରାହ୍ନ ୪ଟା ସମୟରେ କଣ୍ଟାବଞ୍ଜି ରୁ ନିଜ ବାଇକ ଯୋଗେ ଫେରୁଥିଲେ। ଫେରିବା ବାଟରେ ତାଙ୍କୁ ହଠାତ ଦୁଇ ଜଣ ଯୁବକ ଠେଙ୍ଗାରେ ଆକ୍ରମଣ କରି ଥିବାରୁ ମୁଣ୍ଡରେ ଜୋର ଆଘତ ଲାଗି ରକ୍ତାକ୍ତ ହୋଇଥିଲେ । ପରେ ଜୀବନ ବଞ୍ଚାଇ ଦୌଡ଼ି ଦୌଡ଼ି କଣ୍ଟାବାଞ୍ଜି ହସ୍ପିଟାଲ ଯାଇ ଚିକିତ୍ସା କରାଇଥିଲେ । ଉକ୍ତ ଘଟଣାଟି କଣ୍ଟାବାଞ୍ଜି ତୁରେକେଲା ରାସ୍ତାର ଆଶ୍ରାମପଡା ପାଖରେ ଘଟି ଥିବା ଜଣାପଡିଛି । କେଉଁ କାରଣରୁ ଏହା ଘଟିଛି କାରଣ ଅସ୍ପଷ୍ଟ ରହିଅଛି । ଏନେଇ କଣ୍ଟାବାଞ୍ଜି ଥାନାରେ ଲିଖିତ ଅଭିଯୋଗ କରିଛନ୍ତି ତ୍ରିନାଥ ରଣା । କଣ୍ଟାବାଞ୍ଜି ପୁଲିସ ଏକ ମାମଲା ରୁଜୁ କରି କେଶ ନମ୍ବର ୪୭/୨୩ ତଦନ୍ତ କରୁଛି। ପୁଲିସ ତୁରନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରିବା ପାଇଁ ତ୍ରିନାଥ ରଣା ଏବଂ ମହୁଲପାଟି ପୂର୍ବତନ ସରପଞ୍ଚ କାର୍ତ୍ତିକେଶ୍ୱର ସାହୁ ଦାବୀ କରିଛନ୍ତି।
Comments are closed.