ପାଟଣା ଓ ସାହାରପଡ଼ା ବ୍ଲକର ୪ଟି ପଞ୍ଚାୟତରେ କମ୍ବଳ ବାଣ୍ଟିଲା ଜଗତ ଜନନୀ ସେବା ଟ୍ରଷ୍ଟ

ପାଟଣା : ପାଟଣା ବ୍ଲକ ଅନ୍ତର୍ଗତ ଏରେଣ୍ଡେଇ ଓ ପଲାଣଘାଟି ପଞ୍ଚାୟତ ସହ ସାହାରପଡ଼ା ବ୍ଲକର କୁଣ୍ଡଳା ଓ ଦାମାହୁଦା ପଞ୍ଚାୟତରେ ଆଜି ପୂର୍ବତନ ଚମ୍ପୁଆ ବିଧାୟକ ସନାତନ ମହାକୁଡ଼ଙ୍କ ଦ୍ଵାରା ସ୍ଥାପିତ ମା ଜଗତ ଜନନୀ ସେବା ଟ୍ରଷ୍ଟ ପକ୍ଷରୁ କମ୍ବଳ ବଣ୍ଟନ କରାଯାଇଛି। ଗରିବ, ଅସହାୟଙ୍କୁ ଚିହ୍ନଟ କରାଯାଇ କମ୍ବଳ ବଣ୍ଟନ କରାଯାଇଥିଲା। ମହାକୁଡ଼ଙ୍କ ପ୍ରତିନିଧି ସଞ୍ଜୀବ କୁମାର ବେହେରା ଓ କାନ୍ତାମନା ସିଂ, ମିରିଗିଖୋଜି ସରପଞ୍ଚ ମନମୋହନ ବେହେରା ଓ ପୂର୍ବତନ ସାହାରପଡ଼ା ବ୍ଲକ ଅଧ୍ୟକ୍ଷ ରବିନ୍ଦ୍ର ନାଏକଙ୍କ ସହ ଅନ୍ୟାନ୍ୟ କର୍ମକର୍ତ୍ତାଙ୍କ ଉପସ୍ଥିତିରେ ଏରେଣ୍ଡେଇ ପଞ୍ଚାୟତରେ ୫୫ ଜଣ ଓ ପଲାଣଘାଟି ପଞ୍ଚାୟତରେ ୬୫ ଜଣଙ୍କୁ କମ୍ବଳ ବଣ୍ଟନ କରାଯାଇଛି। ସେହିପରି ସାହାରପଡ଼ା ବ୍ଲକର କୁଣ୍ଡଳା ପଞ୍ଚାୟତରେ ୭୦ ଜଣ ଓ ଦାମାହୁଦା ପଞ୍ଚାୟତରେ ୮୦ ଜଣଙ୍କୁ କମ୍ବଳ ବଣ୍ଟନ କରାଯାଇଛି ।