କାମାକ୍ଷାନଗର : କାମାକ୍ଷାନଗର ସହରର ଦୈନିକ ପରିବା ବଜ଼ାରରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିଦେଶୀ ମଦ ସହିତ ଜଣକୁ ଗିରଫ କରି କୋର୍ଟ ଚାଲାଣ କରାଯାଇଥିବାର ଜଣାଯାଇଛି । ଦୈନିକ ପରିବା ବଜ଼ାରରେ ଚୋରାରେ ବିଦେଶୀ ମଦ ବିକ୍ରି ହେଉଥିବାର ଅଭିଯୋଗ ହୋଇ ଆସୁଥିଲା । ଏହି ଅଭିଯୋଗ କ୍ରମେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ପରିବା ବିକ୍ରି କରୁଥିବା ପ୍ରସାଦ ସାହୁଙ୍କ ଠାରୁ ୭ ଗୋଟି ବିଦେଶୀ ମଦ ଜବତ କରିଥିଲେ । ଏହା ଦେଖି ପରିବା କିଣିବାକୁ ଆସିଥିବା କେତେକ ବୁଦ୍ଧିଜୀବୀଙ୍କ ମଧ୍ୟରେ ଆଶ୍ଚର୍ୟ୍ୟ ଚକିତ ହୋଇଥିବାର ଆଲୋଚନା ହେଉଛି । ପ୍ରସାଦକୁ ଗିରଫ କରି କୋର୍ଟ ଚାଲାଣ କରାଯାଇଛି ।
Comments are closed.