କାମାକ୍ଷାନଗର : କାମାକ୍ଷାନଗର ବ୍ଲକରେ ଗ୍ରାମ୍ୟ ଉନ୍ନୟନ ବିଭାଗ ତରଫରୁ କାର୍ଯ୍ୟକାରୀ ହେବାକୁ ଥିବା ବିଭିନ୍ନ ଗ୍ରାମ୍ୟ ରାସ୍ତାର ଶିଳାନ୍ୟାସ କରିଛନ୍ତି କାମାକ୍ଷାନଗର ବିଧାୟକ ତଥା ରାଜ୍ୟ ଖଣି, ଇସ୍ପାତ ଓ ପୂର୍ତ୍ତ ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ। କାନପୁରା ପଞ୍ଚାୟତର ଗୁଣ୍ଡିଚାନାଳୀ ଠାରୁ କନ୍ଧବୋଲ,ଏକତାଳି ଠାରୁ କାନପୁରା ଗ୍ରାମକୁ ନୂତନ ରାସ୍ତାର ଶିଳାନ୍ୟାସ କରିଛନ୍ତି। ସେହିପରି ବାଇଶିଙ୍ଗା ଗ୍ରାମ ଠାରୁ ଖଟଖୁରା ରାସ୍ତାର, ଭୁବନ ବ୍ଲକର ଅଁଳାପାଳ ଠାରୁ ମହୁଲପାଳ ରାସ୍ତାର ସାଆନ୍ତାରାପୁର ଓ ଉତ୍ତରପୁର ଗ୍ରାମକୁ ଯାଉଥିବା ରାସ୍ତାର ମଧ୍ୟ ଶିଳାନ୍ୟାସ କରାଯାଇଛି।
ଏହି ସବୁ ରାସ୍ତା ହେବା ଫଳରେ ବିଭିନ୍ନ ଗ୍ରାମର ଗ୍ରାମବାସୀ ସୁବିଧାରେ ଯାତାୟାତ କରିବା ସହ ସହର ମଧ୍ୟରେ ସଂଯୋଗୀକରଣ ହୋଇପାରିବ। ଫଳରେ ମୁଖ୍ୟମନ୍ତ୍ରୀଙ୍କ ଗାଁର ବିକାଶ କାର୍ଯ୍ୟକ୍ରମ ଆହୁରି ତ୍ୱରାନ୍ୱିତ ହେବା ନେଇ ମନ୍ତ୍ରୀ ଶ୍ରୀ ମଲ୍ଲିକ କହିଥିଲେ। ଏହି ସବୁ ଶିଳାନ୍ୟାସ କାର୍ଯ୍ୟକ୍ରମରେ ଗ୍ରାମ୍ୟ ଉନ୍ନୟନ ବିଭାଗର ଅଧିକ୍ଷଣ ଯନ୍ତ୍ରୀ ଶିବଜ୍ୟୋତି ସାହୁଙ୍କ ସହିତ ବହୁ ଗ୍ରାମବାସୀ ଉପସ୍ଥିତ ଥିଲେ।
ବିଭିନ୍ନ ରାସ୍ତାର ଭିତ୍ତିପ୍ରସ୍ତର ଶିଳାନ୍ୟାସ କଲେ ମନ୍ତ୍ରୀ
Popular Categories
Previous article
Next article