କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର କରଡାପଦର ପ୍ରାଥମିକ ବିଦ୍ୟାଳୟର ମରାମତି ଓ ନବୀକରଣ ନିମନ୍ତେ ବିଡିଓଙ୍କୁ ଲିଖିତ ଅଭିଯୋଗ କରିଛନ୍ତି ଗ୍ରାମବାସୀ ଓ ପରିଚାଳନା କମିଟି। ସୋମବାର କରଡ଼ାପଦର ଗ୍ରାମର ଗ୍ରାମବାସୀ ଓ ବିଦ୍ୟାଳୟ ପରିଚାଳନା କମିଟିର କିଛି ସଦସ୍ୟ ଏକତ୍ରିତ ହୋଇ ବିଦ୍ୟାଳୟ ସମସ୍ୟା ନେଇ ବିଡିଓ ମନୀଷା ଦାସଙ୍କୁ ଏକ ଲିଖିତ ଅଭିଯୋଗ ପତ୍ର ପ୍ରଦାନ କରିଛନ୍ତି। ବହୁତ ପୁରୁଣା ବିଦ୍ୟାଳୟ ରହିଛି। ସେହି ବିଦ୍ୟାଳୟ ଅତି ବିପଦସଂକୁଳ ଅବସ୍ଥାରେ ରହିଛି। ଗତ ପାଞ୍ଚ ବର୍ଷ ହେଲାଣି ଛାତରୁ ବର୍ଷା ପଡ଼ି ସିମେଣ୍ଟ ଅତଡ଼ା ଖସି ଲୁହା ଛଡ଼ ଦେଖାଯାଉଛି। ଯାହା ଦ୍ୱାରା ବର୍ଷା ସମୟରେ ଶ୍ରେଣୀ ଗୃହରେ ବର୍ଷା ପାଣି ଭର୍ତ୍ତି ହୋଇ ରହୁଛି। ଯାହାଫଳରେ ଛାତ୍ରଛାତ୍ରୀଙ୍କ ପାଠପଢାରେ ପ୍ରତିବନ୍ଧକ ସୃଷ୍ଟି ହେଉଛି। ଅଫିସ ଗୃହରେ ମଧ୍ୟ ପାଣି ଗଳୁଛି। ବାହାରେ ରଖାଯାଇଥିବା ଜିନିଷ ପତ୍ର ବର୍ଷା ପାଣି ପଡ଼ି ନଷ୍ଟ ହେଉଛି ବୋଲି ଗ୍ରାମର ଉତ୍ତରା ପେରିସିକା, ମକର ନେମାଲପୁରୀ, ତ୍ରିନାଥ ପେରିସିକା, ନରସିଂହ ରାଓ ହୁଈକା, ବୁଟା କୁଲିସିକା, ଦୟାନିଧି କୁଲିସିକା, ରମେଶ ପେରିସିକା, ବିଙ୍ଗୁ ହୁଈକା ପ୍ରମୁଖ ଉପସ୍ଥିତ ରହି ବିଡିଓଙ୍କୁ ଅଭିଯୋଗ କରିଛନ୍ତି। ଦୁଇଦିନ ମଧ୍ୟରେ ସହକାରୀ ଯନ୍ତ୍ରୀଙ୍କୁ ପଠାଇ ତଦନ୍ତ କରି ଆସିବା ପରେ କାର୍ଯ୍ୟ ଆରମ୍ଭ କରାଯିବ ବୋଲି ପ୍ରତିଶ୍ରୁତି ଦେଇଥିବା ବିଦ୍ୟାଳୟ ସଭାପତି ରାମସିଙ୍ଗ କୁଲେସିକା କହିଛନ୍ତି।
Popular Categories
Previous article
Next article