bjd  ek lkhya koti banner

ଡଙ୍ଗରିଆଙ୍କ ଭୋଟ ବର୍ଜନ ଚେତାବନୀ

mission shakti banner
କଲ୍ୟାଣସିଂହପୁର : ଡଙ୍ଗରିଆଙ୍କ ମିଥ୍ୟା ମାମଲା ପ୍ରତ୍ୟାହାର କରାଯାଉ, ନହେଲେ ଭୋଟ ବର୍ଜନ କାରାଯିବ ବୋଲି ଚେତାବନୀ ଦିଆଯାଇଛି। ଆଜି ନିୟମଗିରି ପାହାଡ ନିକଟ ପାର୍ସାଲି ପଞ୍ଚାୟତରେ  ନିୟମଗିରିରେ ବସବାସ କରୁଥିବା ୩୮ଖଣ୍ଡ ଗ୍ରାମର ଡଙ୍ଗରିଆ ମହିଳା ପୁରୁଷ ମାନେ ଏକତ୍ରିତ ହୋଇ ଏକ ବୈଠକ କରିଥିଲେ ।  ୨୦୦୮ରୁ ୨୦୧୭ ମସିହାର ଡଙ୍ଗରିଆମାନଙ୍କ ନାମରେ ଯେଉଁ ମାମଲା ମାନେ ରହିଛି ସେ ସବୁ ମାମଲା ଗୁଡିକୁ ଉଠାଇ ଦିଆଯିବ ବୋଲି ପୁଲିସ ପ୍ରଶାସନ ପ୍ରତିଶ୍ରୁତି ଦେଇଲା।  ପୁଲିସ ପ୍ରଶାସନିକ ଅଧିକାରୀଙ୍କୁ ଭେଟିବା ପାଇଁ ନିୟମଗିରି ପାହାଡର ୩୮ ଖଣ୍ଡ ଗାଁର ଡଙ୍ଗରିଆ ମହିଳା ପୁରୁଷ ରୁଣ୍ଡ ହୋଇଥିଲେ।
ପୁଲିସ ପ୍ରଶାସନିକ ଅଧିକାରୀ ନ ଆସିବାରୁ ନିୟମଗିରିରୁ ଆସିଥିବା ସମସ୍ତ ଡ଼ଙ୍ଗରିଆ କନ୍ଧ ମାନେ ଏକତ୍ରିତ ହୋଇ ଏକ ବୈଠକ  କରିଥିଲେ । ଏଥିରେ ଆମେ ଆମ ହକ ପାଇଁ ଲଢୁଛୁ , ବେଦାନ୍ତ ହେବାରୁ ନିୟଗିରି ପାହାଡ଼ରୁ ଖଣି ଖନନ ନକରି ନିଜ ନିୟମଗିରିରେ ପବନ, ଜଳ, ଜଙ୍ଗଲ, ଜମି ବଞ୍ଚାଇବା ପାଇଁ ଆମେ ଲଢେଇ କରୁଛୁ କିନ୍ତୁ ସରକାର ମିଥ୍ୟା ମକଦ୍ଦମା ରୁଜୁ କରି ୩୮ ଜଣ ନାମରେ ମାମଲା କରିଛନ୍ତି । ସେହି ସବୁ ମାମଲାରୁ ପ୍ରତ୍ୟାହାର କରାଯାଉ, ନ ହେଲେ ଆମେ ଭୋଟ୍ ବର୍ଜନ କରିବୁ ବୋଲି ନିୟମଗିରି ପାହାଡ ଆବାହକ ଲଦ ଶିକକା, କୃଷ୍ଣ ହିକକା, ଦଦି ଶିକକା, ଦାସୁରୁ କାଡ୍ରାକା,ସାଇବୁ କୁର୍ଷିକା ,ଡ୍ରିକା କାଡ୍ରାକା,ସମ୍ବାରୁ  ହୁଈକା ପ୍ରମୁଖ କହିଛନ୍ତି ।
ଅନ୍ୟପକ୍ଷରେ ଥାନା ଅଧିକାରୀ ନୀଳକଣ୍ଠ ବେହେରା ଜିଲାର ପୁଲିସ ପ୍ରଶାସନିକ ଅଧିକାରୀ ଖୁବ ଶୀଘ୍ର ନିୟମଗିରି ଆସି ଡଙ୍ଗରିଆମାନଙ୍କ ସମସ୍ୟା ସମାଧାନ ପାଇଁ ଆଲୋଚନା କରିବେ ବୋଲି କହିଛନ୍ତି । ଉକ୍ତ ଅଞ୍ଚଳର ଚତୁଃପାର୍ଶ୍ୱରେ ଯବାନ ଓ ପୁଲିସ ମୁତୟନ ରହିଥିଲେ ।

Comments are closed.