କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଥିବା ଐତିହାସିକ ପ୍ରସିଦ୍ଧ ଦେବଗିରି ପାହାଡରେ ସ୍ବଟିକ ପଞ୍ଚମୁଖୀ ରେ ଜଳାଭିଷେକ କରିବା ପାଇଁ ପବିତ୍ର ଯୋଡ଼ା ଶ୍ରାବଣମାସର ଶେଷ ସୋମବାରରେ ଭକ୍ତଙ୍କ ଭିଡ଼ ଲାଗି ରହିଥିବା ଦେଖିବାକୁ ମିଳିଛି । ଦୂର ଦୁରନ୍ତାରୁ ଭକ୍ତ ମାନେ ରବିବାର ଦିନଠାରୁ ଆସି କଲ୍ୟାଣସିଂହପୁର ଦେବଗିରି ଧାମ ବା କ୍ରାନ୍ତିକାରୀ ଆଶ୍ରମରେ ବିଶ୍ରାମ କରି ଭୋରରୁ ଉଠି ନିକଟସ୍ଥ ନାଳ ବା ନାଗାବଳୀ ,କଲ୍ୟାଣି ଓ ନାଳର ସଂଗମ ସ୍ଥଳରେ ରୀତିନୀତି ଅନୁଯାୟୀ ପୂଜାର୍ଚ୍ଚନା କରି ପାଣି ଭାର ନେଇ ଶିବଙ୍କ ମସ୍ତକରେ ଜଳାଭିଷେକ କରିଥିଲେ ।
ଏହି ସୋମବାରରେ ମଧ୍ୟ କଳାହାଣ୍ଡି, ବରଗଡ଼, ଜଗତସିଂହପୁର, କଟକ, ବ୍ରହ୍ମପୁର, ଗଜପତି,ସୋନପୁର କୋରାପୁଟ,ସମ୍ବଲପୁର ,କେନ୍ଦୁଝର ,ରାୟଗଡା ଜିଲ୍ଲାର ଭକ୍ତ ମାନେ ଆସି ଶିବଙ୍କ ମସ୍ତକରେ ଜଳଲାଗି କରିଥିବା ଦେଖିବାକୁ ମିଳିଛି । ଯୋଡ଼ା ଶ୍ରାବଣ ହୋଇଥିଲେ ମଧ୍ୟ ପ୍ରତ୍ୟେକ ସୋମବାର ଦିନ ସମସ୍ତ ଶିଵ ମନ୍ଦିର ବ୍ୟତୀତ ଦେବଗିରି ଧାମରେ ଶହ ଶହ ଭକ୍ତଙ୍କ ଭିଡ଼ ପରିଲକ୍ଷିତ ହୋଇଥିଲା । ସ୍ଥାନୀୟ ଅଞ୍ଚଳର କାଉଡ଼ିଆ ମାନେ ବ୍ଲକରେ ଥିବା ଶିଵ ମନ୍ଦିରକୁ ଯାଇ ଜଳାଭିଷେକ କରିଥିଲେ ।
Comments are closed.