କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସରକାରୀ ଉଚ୍ଚବିଦ୍ୟାଳୟ ଠାରେ ନବୋଦୟ ବିଦ୍ୟାଳୟ ତରଫରୁ ଆଜି ନବୋଦୟ ପ୍ରବେଶ ପରୀକ୍ଷା ଅନୁଷ୍ଠିତ ହୋଇଯାଇଛି ।ଉକ୍ତ ବ୍ଲକରେ ୨୭୧ଜଣ ଛାତ୍ରଛାତ୍ରୀ ଆବେଦନ କରିଥିବା ବେଳେ ୧୯୯ ଜଣ ପରୀକ୍ଷା ଦେଇଛନ୍ତି ।ବଳକା ୭୨ ଜଣ ଅନୁପସ୍ଥିତ ରହିଥିଲେ। ଏଥିରୁ କଲ୍ୟାଣସିଂହପୁର ସରକାରୀ ଉଚ୍ଚ ବିଦ୍ୟାଳୟ ପରୀକ୍ଷା କେନ୍ଦ୍ରରେ ୧୫୭ ଜଣ ଛାତ୍ରଛାତ୍ରୀ ପରୀକ୍ଷା ପାଇଁ ଆବେଦନ କରିଥିବା ବେଳେ ୧୧୭ ଜଣ ବିଦ୍ୟାର୍ଥୀ ପରୀକ୍ଷା ଦେଇଛନ୍ତି । ବଳକା ୪୦ ଜଣ ବିଦ୍ୟାର୍ଥୀ ଅନୁପସ୍ଥିତ ରହିଥିଲେ । ଏଥିରେ ପରୀକ୍ଷା କେନ୍ଦ୍ର ପରିଚାଳକ ଭାବେ ଆଚାରୀ ଶବର ରହିଥିବା ବେଳେ ଅବଜର୍ବ ଭାବେ ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ମୋହନ କଣ୍ଡାଗରୀ ,ବିଏଲଓ ଭାବେ ଦୀପକ କୁମାର ବେହେରା ଓ ସିଏଲଓ ଭାବେ ଆସିଥିବା ନବୋଦୟ ବିଦ୍ୟାଳୟର ଶିକ୍ଷକ ସୁବୁଦ୍ଧି ସାହା ରହିଥିଲେ ।ସେହିପରି ସିକରପାଇ ସରକାରୀ ଉଚ୍ଚ ବିଦ୍ୟାଳୟ କେନ୍ଦ୍ରରେ୧୧୪ ଜଣ ଛାତ୍ରଛାତ୍ରୀ ଆବେଦନ କରିଥିବା ବେଳେ ୮୨ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।ବଳକା ୩୨ ଜଣ ଅନୁପସ୍ଥିତ ରହିଥିଲେ ।ଏଥିରେ ପ୍ରଧାନ ଶିକ୍ଷକ ରଞ୍ଜିତ କୁମାର ଗିରି ପରୀକ୍ଷା କେନ୍ଦ୍ର ପରିଚାଳନା କରିଥିବା ବେଳେ ବିଏଲଓ ଭାବେ ରାୟଗଡା ର ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ବଳରାମ ହୁଈକା ଉପସ୍ଥିତ ଥିଲେ ।ନିଜ ନିଜ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ମାନେ ପରୀକ୍ଷା ନିରୀକ୍ଷକ ଭାବେ ରହିଥିଲେ ।
Comments are closed.