କଲ୍ୟାଣସିଂହପୁର:ପୂର୍ତ୍ତିବିଭାଗ ଓ ବିଦ୍ୟୁତ ବିଭାଗର ତାଳ ମେଳ ରହୁନଥିବାରୁ ଡ୍ରେନ ମଝିରେ ବିଦ୍ୟୁତ ଖମ୍ବ ଠିଆ ହୋଇ ରହିଛି। ଯାହା ଫଳରେ ଡ୍ରେନ କାର୍ୟ୍ୟରେ ବାଧା ସୃଷ୍ଟି ହୋଉଛି। ଏହି ଘଟଣାଟି ରାୟଗଡା ଜିଲା କଲ୍ୟାଣସିଂହପୁର ସଦର ମହକୁମାଠାରୁ ଦେଖିବାକୁ ମିଳିଛି। ସିକରପାଇ ଠାରୁ କଲ୍ୟାଣସିଂହପୁର ପର୍ୟ୍ୟନ୍ତ ରାଜ୍ୟ ରାଜପଥ ରାସ୍ତା ନିର୍ମାଣ କାର୍ଯ୍ୟମନ୍ଥର ଗତିରେ ଚାଲୁଥିବା ବେଳେ ରାସ୍ତାଟି ଅଣ ଓସାରିଆ କରିବା ପାଇଁ ପୂର୍ତ୍ତି ବିଭାଗ ପୁରୁଣା ରାସ୍ତାର ମଧ୍ୟ ଭାଗରୁ ଉଭୟ ପାର୍ଶ୍ବ ସରକାର ନିୟମ ଅନୁଯାୟୀ ୩୩ଫୁଟ କାଟିବା ବଦଳରେ ୩୦ଫୁଟ କାଟିଛନ୍ତି। ତାହା ମଧ୍ୟ କିଛି ସ୍ଥାନରେ ରାସ୍ତାକୁ ସଠିକ ମାପ ନ କରି ଚିହ୍ନଟ କରିଥିବାରୁ ସେହି ଅନୁସାରେ ବିଦ୍ୟୁତ ବିଭାଗ ପୋଲ ପୋତି ବିଦ୍ୟୁତ ତାର ଟାଣି ନିଜ କାମ ସାରିଦେଇଛି। ସେଥିମଧ୍ୟରେ ବ୍ଲକ ଠାରୁ ଡ୍ରେନ କାର୍ଯ୍ୟ ଆରମ୍ଭ କରି ମୁଖ୍ୟ ବଜାରପର୍ଯ୍ୟନ୍ତ କାର୍ଯ୍ୟ କରିଥିବା ବେଳେ ମୁଖ୍ୟ ରାସ୍ତାର ପାଇକସାହିକୁ ଯିବା ରାସ୍ତା ଠାରେ ଏକ ବିଦ୍ୟୁତ ଖମ୍ବ ରହିଛି। ତାହା ଡ୍ରେନ ମଝିରେ ରହିଥିବାରୁ ସେହି ସ୍ଥାନରେ ସେହି ସ୍ଥାନରେ କାମ ଅଟକି ରହିଛି । ତୁରନ୍ତ ବିଦ୍ୟୁତ ଓ ପୂର୍ତ୍ତ ବିଭାଗ ଦୃଷ୍ଟି ଦେଇ ଉକ୍ତ ବିଦ୍ୟୁତ ଖମ୍ବକୁ ସେହି ସ୍ଥାନରୁ ବାହାର କରି ନିୟମ ଅନୁଯାୟୀ ପୋତିଲେ ଡ୍ରେନ କାର୍ଯ୍ୟ ଆରମ୍ଭ କରାଯିବ। ଉକ୍ତ ରାଜ୍ୟ ରାଜପଥଟି ଆରମ୍ଭ ହୋଇ ଦୁଇବର୍ଷ ବିତି ଯାଇଥିଲେ ମଧ୍ୟ ପୂର୍ତ୍ତି ବିଭାଗ, ଜଳ ପରିମଳ ବିଭାଗ, ବିଦ୍ୟୁତ ବିଭାଗ ଓ ଠିକାଦାରଙ୍କ ମନମୁଖୀ ଶାସନ ଯୋଗୁଁ ରାସ୍ତା କାମ ସମ୍ପୂର୍ଣ୍ଣ ହେଉନଥିବା ପରିଲକ୍ଷିତ ହୋଇଛି। ଅନେକ ସ୍ଥାନରେ ନୂତନ ପାଇପ ଲାଇନ ସଂଯୋଗ କରାଯାଇନଥିବା ଯୋଗୁଁ ଆଜକୁ ପ୍ରାୟ ୧୫ଦିନ ହେବ ବିଶୁଦ୍ଧ ପାନୀୟ ଜଳରୁ ଗ୍ରାମବାସୀ ବଞ୍ଚିତ ରହିଛନ୍ତି। ତୁରନ୍ତ ଉକ୍ତ ବିଦ୍ୟୁତ ଖମ୍ବ ଘୁଞ୍ଚାଇବା ପାଇଁ ପଞ୍ଚାୟତବାସୀ ଦାବିକରିଛନ୍ତି।
Popular Categories
Previous article
Next article