କଲମପୁର : ଶୁକ୍ରବାର ଅପରାହ୍ନରେ ବଲାଗାଁର ଜନୈକର ଯୁବକକୁ କଲମପୁର ପୁଲିସ ପାଣି ମଟର ଚୋରି ଅଭିଯୋଗରେ ଗିରଫ କରିବା ପରେ କୋର୍ଟ ଚାଲାଣ କରିଛନ୍ତି।
ସୂଚନା ଅନୁସାରେ ବଲଗାଁର ରୁପଚନ ବାଗଙ୍କ ଚାଷ ଜମିରେ ଲାଗିଥିବା ଏକ ବିଦ୍ୟୁତ୍ ଚାଳିତ ପାଣି ମଟର ଚୋରି ହେଇଥିଲା। ଏନେଇ କଲମପୁର ପୁଲିସରେ ଅଭିଯୋଗ ହେବା ପରେ କଲମପୁର ପୁଲିସ ଘଟଣାର ତଦନ୍ତ କରିଥିଲେ। କଲମପୁର ପୁଲିସ ପକ୍ଷରୁ ବଲାଗାଁର କିଛି ଯୁବକଙ୍କୁ ପାଣି ମଟର ଚୋରି ସନ୍ଦେହରେ ଅଟକ ରଖାଯାଇ ଘଟଣାର ତଦନ୍ତ କରାଯାଇଥିଲା। ଚୋରି ମାମଲାରେ ସେହି ଗାଁର ପ୍ରେମଲାଲ ମାଝୀ ନାମକ ଜନୈକ ଯୁବକ ସଂଶ୍ଳିଷ୍ଟ ଥିବା ପୁଲିସ ପ୍ରମାଣ ପାଇଥିଲେ। ଏହାପରେ ପ୍ରେମଲାଲକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଏହି ଘଟଣାର ତଦନ୍ତକାରୀ ଅଧିକାରୀ ଭାବେ ବଡକୁଟୃ ଫାଣ୍ଡି ଅଧିକାରୀ ଶିବ ଶଙ୍କର ମହାନ୍ତି ନିୟୋଜିତ ହେଇଛନ୍ତି। ସୂଚନାଯୋଗ୍ୟଯେ, ଗତ କିଛି ମାସ ପୂର୍ବରୁ କଲମପୁର ଥାନା ଅନ୍ତର୍ଗତ ମୀନଗୁର, ରଣମାଲ, ବଲାଗାଁ ଆଦି ଅଂଚଳରୁ ୧୦ରୁ ଅଧିକ ବିଦ୍ୟୁତ୍ ଚାଳିତ ପାଣିମଟର ଚୋରି ହେଇଥିଲା।
Comments are closed.