ବିଦ୍ୟାଳୟ ଛାତ ଉପର ଦେଇ ଲମ୍ବିଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ଛାତ୍ର ଗୁରୁତର

କଲମପୁର :ବିଦ୍ୟାଳୟ ଛାତ ଉପରେ ଚଢିଥିବା ସମୟରେ ଛାତ ଉପର ଦେଇ ଲମ୍ବିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଛାତ୍ର ଗୁରୁତର ଆହତ ହୋଇଛନ୍ତି। ଏଭଳି ଅଭାବନୀୟ ଘଟଣାଟି ଘଟିଛି କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ ମହୁଲପାଟଣା ପଞ୍ଚାୟତ ଅଧିନ କୁମୁଡାସିଲ୍ ଗାଁରେ। ଏହି ଗାଁର ସରକାରୀ ପ୍ରାଥମିକ ବିଦ୍ୟାଳୟର ତୃତୀୟ ଶ୍ରେଣୀ ଛାତ୍ର ବିଦ୍ୟାଳୟ ଛାତ ଉପରକୁ ଚଢିଥିଲା। ହେଲେ ସେଇ ବିଦ୍ୟାଳୟର ଛାତ ଉପର ଦେଇ ଲମ୍ବିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଗୁରୁତର ଆହତ ହୋଇଛନ୍ତି। ତାଙ୍କୁ ତୁରନ୍ତ ଉଦ୍ଧାର କରି ଚିକିତ୍ସା ପାଇଁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ବର୍ତ୍ତମାନ ଛାତ୍ର ରୋହିତର ଚିକିତ୍ସା ଚାଲିଛି ।
ସୁଚନା ଯୋଗ୍ୟ ଯେ ଗତ କିଛି ବର୍ଷ ତଳେ ବିଦ୍ୟାଳୟ ପରିସର ଦେଇ  ବିଦ୍ୟୁତ୍ ତାର ଟଣାଯିବା ନେଇ ନିଷେଧାଦେଶ ଜାରି କରାଯାଇଛି। କିନ୍ତୁ କେଉଁ ପରିସ୍ଥିତିରେ ଏହି ବିଦ୍ୟାଳୟର ଛାତ ଦେଇ ବିଦ୍ୟୁତ୍ ତାର ଟଣା ଯାଇଛି ? ଏହି ଘଟଣା ପରେ କିଏ ଏଥିପାଇଁ ଦାୟୀ ବୋଲି ସ୍ଥାନୀୟ ଅଞ୍ଚଳରେ ପ୍ରଶ୍ନବାଚୀ ସୃଷ୍ଟି ହୋଇଛି।