ନୂଆଦିଲ୍ଲୀ : ପ୍ରୟାରଗାଜରେ ହେଉଥିବା ମହାକୁମ୍ଭ ମେଳାରେ ଅନେକ ସାଧୁଙ୍କ ଫଟୋ ଓ ଭିଡିଓ ଭାଇରାଲ ହେଉଛି । ଏବେ ଏମିତି ଜଣେ ସାଧୁଙ୍କ ଫଟୋ ସାମ୍ନାକୁ ଆସିଛି ଯାହା ସମସ୍ତଙ୍କୁ ଚକିତ କରୁଛି । ସମସ୍ତେ ତାଙ୍କୁ ‘କବୁତର ବାବା’ ବୋଲି କହୁଛନ୍ତି । ତାଙ୍କ ମୁଣ୍ଡ ଉପରେ ଏକ ପାରା ୯ ବର୍ଷ ଧରି ବସିରହିଛି । ତାଙ୍କ ପାଇଁ ପାରା ପ୍ରେମର ପ୍ରତୀକ ବୋଲି ବାବା କୁହନ୍ତି ।
ବାବା କୁହନ୍ତି କି ଜୀବିତ ପ୍ରାଣୀଙ୍କ ସେବା କରିବା ସବୁଠାରୁ ବଡ କର୍ତ୍ତବ୍ୟ । ସମସ୍ତ ପ୍ରାଣୀଙ୍କ ପ୍ରତି ଦୟା ଓ ସେବା ମନୋଭାବ ଦେଖାଇବା ମଣିଷମାନଙ୍କ ଦାୟିତ୍ବ ବୋଲି ସେ କୁହନ୍ତି । ମହାକୁମ୍ଭରେ ପ୍ରତିଦିନ ଆସାଧାରଣ ସାଧୁ ସନ୍ୟାସୀଙ୍କ ଫଟୋ ବା ଭିଡିଓ ସାମାଜିକ ଗଣମାଧ୍ୟମରେ ଦେଖିବାକୁ ମିଳୁଛି । କିଛି ଦିନ ତଳେ ଅଭୟ ସିଂହ ଓରଫ ଆଇଆଇଟି ବାବାଙ୍କୁ ନେଇ ଚର୍ଚ୍ଚା ଜୋର ଧରିଥିଲା ।
