ନବରଙ୍ଗପୁର: ବିଜେଡ଼ିର ଦୀର୍ଘ ବର୍ଷର ଅରାଜକତା ଓ ଦୁର୍ନୀତିରେ ରାଜ୍ୟବାସୀ ଅତିଷ୍ଠ ଓ ସେମାନେ ଏବେ ପରିବର୍ତ୍ତନ ପାଇଁ ଆଶାବାଦୀ ବୋଲି କେନ୍ଦ୍ର ଆଦିବାସୀ କଲ୍ୟାଣ ବ୍ୟାପାର ମନ୍ତ୍ରୀ ଜୁଏଲ୍ ଓରାମ କହିଛନ୍ତି। ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ୍ର କାରାଗାଁଠାରେ ଅଟଳ ସମାବେଶରେ ଯୋଗଦେଇ ଶ୍ରୀ ଜୁଏଲ୍, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକାଶମୂଖୀ କାର୍ଯ୍ୟରେ ପ୍ରଭାବିତ ଜନସାଧାରଣ ଆଗାମୀ ଦିନରେ ରାଜ୍ୟରେ ବିଜେପି ନେତୃତ୍ୱାଧୀନ ସରକାର ଶାସନକୁ ପ୍ରତ୍ୟାବର୍ତ୍ତନ ହେବ ବୋଲି ଆଶା ପ୍ରକାଶ କରିଛନ୍ତି। ମନ୍ତ୍ରୀ ଶ୍ରୀ ଓରାମ୍ କହିଛନ୍ତି ଯେ କେନ୍ଦ୍ର ସରକାର ରାଜ୍ୟର ଜନଜାତିଙ୍କ ବିକାଶ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ରାଜ୍ୟ ସରକାର ଏହାର ଉଚିତ୍ ବିନିଯୋଗ ନକରି ଅଯଥା ଦୋଷାରୋପ କରୁଛନ୍ତି। ସମାବେଶରେ ରାଜ୍ୟ କାର୍ଯ୍ୟକାରିଣୀ ସଦସ୍ୟା ପିଙ୍କି ପ୍ରଧାନ, ରାଜ୍ୟ ବିଜେପି ସାଧାରଣ ସମ୍ପାଦକ ଭୃଗୁ ବକ୍ସି ପାତ୍ରଙ୍କ ସମେତ ଜିଲ୍ଲା ବିଜେପିର ତୁଙ୍ଗ ନେତୃବୃନ୍ଦ ଯୋଗ ଦେଇଥିଲେ।
