କେନ୍ଦୁଝରଗଡ଼ : ଜିନ୍ଦଲ ଷ୍ଟିଲ ଆଣ୍ଡ ପାୱାର ଛତିଶଗଡସ୍ଥିତ ଗାରେ ପାଲମା କୋଇଲା ଖଣିରୁ ସଫଳତାର ସହ ଉତ୍ପାଦନ ଆରମ୍ଭ ଘୋଷଣା କରିଛି । ଏହି ଖଣିୁ ଉତ୍ପାଦିତ କୋଇଲା ଜେଏସ୍ପିର ଛତିଶଗଡ ରାୟଗଡସ୍ଥିତ ଷ୍ଟିଲ କାରଖାନାରେ ବ୍ୟବହୃତ ହେବ। ଗାରେ ପାଲମା କୋଇଲା ଖଣି ଇସ୍ପାତ ଉତ୍ପାଦନ ପାଇଁ ଅତ୍ୟାବଶ୍ୟକ କଞ୍ଚାମାଲର ଉପଲବ୍ଧତା ନିଶ୍ଚିତ କରି ଜେଏସ୍ପି ଯାତ୍ରାରେ ଏକ ମାଇଲଖୁଣ୍ଟ ଭାବେ ବିବେଚିତ ହେବାକୁ ଯାଉଛି । ରାୟଗଡ ଇସ୍ପାତ କାରଖାନାର ବର୍ତ୍ତମାନ ଉତ୍ପାଦନ କ୍ଷମତା ବାର୍ଷିକ ୩୬ଲକ୍ଷ ଟନ୍ ଥିବାବେଳେ ଏହା ୯୬ଲକ୍ଷ ଟନ ବୃଦ୍ଧି ନିମନ୍ତେ ପ୍ରସ୍ତାବ ରହିଛି ଏବଂ ଏହି ଲକ୍ଷ୍ୟ ହାସଲ ପାଇଁ ଗାରେ ପାଲମା କୋଇଲା ଖଣି ବ୍ୟବହାର କରାଯିବ। କାରଖାନାକୁ କଞ୍ଚାମାଲ ଯୋଗାଇବାରେ ଏହି କୋଇଲା ଖଣି ବିଶେଷ ଗୁରୁତ୍ୱବହନ କରିବ ବୋଲି ଜିନ୍ଦଲ ଷ୍ଟିଲ ଆଣ୍ଡ ପାୱାରର ପରିଚାଳନା ନିର୍ଦ୍ଦେଶକ ବିମଳେନ୍ଦ୍ର ଝା ଏହା କହିଛନ୍ତି । ରାୟଗଡ ଷ୍ଟିଲ କାରଖାନାର ପ୍ରସ୍ତାବିତ ସମ୍ପ୍ରସାରଣ ଏକ ଆତ୍ମନିର୍ଭରଶୀଳ ଭାରତ ଗଠନରେ ବିଶେଷ ସହାୟକ ହେବାସହ ଆଭ୍ୟନ୍ତରୀଣ କୋଇଲା ବ୍ୟବହାର କରି ଦେଶର ଇସ୍ପାତ ଉତ୍ପାଦନ କ୍ଷମତାରେ ବୃଦ୍ଧିରେ ମଧ୍ୟ ଏହା ବିଶେଷ ସହାୟକ ହେବ ବୋଲି ଶ୍ରୀ ଝା ଏକ ପ୍ରେସ୍ ବିବୃତ୍ତି ଯୋଗେ ଏହା କହିଛନ୍ତି । ନିଜସ୍ୱ ସଂସାଧନ ମାଧ୍ୟମରେ ରାୟଗଡ କାରଖାନାର ବିସ୍ତାର କରିବା କମ୍ପାନୀ ପ୍ରାଥମିକତା ଦେଇଆସିଛି ବୋଲି ଶ୍ରି ଝା କହିଛନ୍ତି।
Popular Categories
Previous article
Next article