ଜେଆର୍‌ଡି ଟାଟାଙ୍କ ଜୟନ୍ତୀରେ ଦୌଡ଼ ପ୍ରତିଯୋଗିତା

ଗୋପାଳପୁର : ଟାଟା ଷ୍ଟିଲ୍ ଫାଉଣ୍ଡେସନ୍ ପକ୍ଷରୁ ଭାରତ ରତ୍ନ ଜେଆର୍‌ଡି ଟାଟାଙ୍କ ୧୧୯ତମ ଜୟନ୍ତୀ ପାଳନ କରାଯାଇଛି। ଏହି ଅବସରରେ ଯୁବପିଢ଼ିଙ୍କ ମଧ୍ୟରେ ଖେଳୁଆଡ଼ ମନୋଭାବ ଓ ସୁସ୍ଥ ପ୍ରତିଯୋଗିିତା ଭାବର ପ୍ରସାର କରିବା ପାଇଁ  ବ୍ରହ୍ମପୁର ବିଶ୍ୱବିଦ୍ୟାଳୟ ପଡ଼ିଆରେ ଏକ କ୍ରସ୍ କଣ୍ଟ୍ରି ଦୌଡ଼ର ଆୟୋଜନ କରାଯାଇଥିଲା ।

ବ୍ରହ୍ମପୁର ସାଂସଦ  ଚନ୍ଦ୍ରଶେଖର ସାହୁ ଓ  ବିଧାୟକ ବିକ୍ରମ ପଣ୍ଡା ଉପସ୍ଥିତି ରହି ଦୌଡ଼ ପ୍ରତିଯୋଗିତାର ଶୁଭାରମ୍ଭ କରିଥିଲେ। ଏହି ଦୌଡ଼ ପ୍ରତିଯୋଗିତାରେ  ୧୩ ବର୍ଷରୁ କମ୍‌, ୧୮ ବର୍ଷରୁ କମ୍ ଏବଂ ୧୮ ବର୍ଷରୁ ଅଧିକ ବର୍ଗରେ ୩୦୦ ପ୍ରତିଯୋଗୀ ପ୍ରତିଦ୍ୱନ୍ଦ୍ୱିତା କରିଥିଲେ । ଏହି ଦୌଡ଼ ସମୟରେ ଟିଏସ୍‌ଏଫ୍‌ ରକି ମାର୍ଟିନଙ୍କ ସମେତ ଅନ୍ୟାନ୍ୟ ଅଧିକାରୀଙ୍କ ସହିତ ସ୍କୁଲ ଶିକ୍ଷକ ମାନେ ଉପସ୍ଥିତ ରହିଥିଲେ।