ଭୁବନେଶ୍ବର : ଝାରସୁଗୁଡା ବିମାନ ବନ୍ଦରକୁ ମହାନ ସ୍ବାଧୀନତା ସଂଗ୍ରାମୀ ବୀର ସୁରେନ୍ଦ୍ର ସାଏଙ୍କ ନାମରେ ନାମିତ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ସୁରେଶ ପ୍ରଭୁଙ୍କୁ ପତ୍ର ଲେଖିଛନ୍ତି। ଝାରସୁଗୁଡା ବିମାନ ବନ୍ଦର ସେପ୍ଟେମ୍ବର ୨୨ରେ ଉଦଘାଟନ ହେବ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଉଦଘାଟନ କରିବେ । ଝାରସୁଗୁଡା ପଶ୍ଚିମ ଓଡିଶାର ଶିଳ୍ପ ଓ ଖଣିଜ ଅଞ୍ଚଳରେ ଅବସ୍ଥିତ ।ବିମାନ ଚଳାଚଳ ହେବା ଦ୍ବାରା ପଶ୍ଚିମ ଓଡିଶାର ଏହି ସହରର ଗୁରତ୍ବ ଯଥେଷ୍ଟ ବୃଦ୍ଧି ପାଇବ। ତେଣୁ ଝାରସୁଗୁଡା ଦେଇ ବ୍ୟବସାୟିକ ବିମାନ ଚଳାଚଳ କରାଇବା ପାଇଁ ମୁଖ୍ୟମନ୍ତ୍ରୀ ଶ୍ରୀ ପ୍ରଭୁଙ୍କୁ ଅନୁରୋଧ କରିଛନ୍ତି। ଭୁବନେଶ୍ବରରୁ ଦିଲ୍ଲୀ ମଧ୍ୟରେ ଚଳାଚଳ କରୁଥିବା ବିମାନକୁ ଝାରସୁଗୁଡା ଦେଇ ଚଳାଚଳ କରିବାକୁ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି।
ସେପ୍ଟେମ୍ବର ୨୨ ତାରିଖରେ ଏହି ବିମାନବନ୍ଦର ଉଦଘାଟନ ହେବା ପରେ ଝାରସୁଗୁଡା ସମେତ ପଶ୍ଚିମ ଓଡିଶାର ଆର୍ଥିକ ଅଭିବୃଦ୍ଧି ହେବ। ଏଥିପାଇଁ ତାଙ୍କୁ ନିମନ୍ତ୍ରଣ କରାଯାଇଛି ଓ ସେ ତାହାକୁ ସହୃଦୟତାର ସହିତ ଗ୍ରହଣ କରିଥିବା ମୁଖ୍ୟମନ୍ତ୍ରୀ କହିଛନ୍ତି
