ଟୋକିଓ: ଜାପାନରେ ଭୟାବହ ବନ୍ୟା ପରିସ୍ଥିତି ଦେଖାଦେଇଛି । ବନ୍ୟା ଓ ଭୂସ୍ଖଳନ ଯୋଗୁଁ ୬୦ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଲୋକ ନିଖୋଜ ହୋଇଯାଇଥିବାର ସୂଚନା ମିଳିଛି ।
ଜାପାନର ହିରୋସିମାରେ ସବୁଠାରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ବନ୍ୟା ଓଭୂସ୍ଖଳନ ଯୋଗୁଁ ଶହ ଶହ ଘର ନଷ୍ଟ ହୋଇଯାଇଛି । ପ୍ରାୟ ୧୫ ଲକ୍ଷ ଲୋକଙ୍କୁ ଘର ଛାଡି ସୁରକ୍ଷିତ ସ୍ଥାନକୁ ଯିବା ପାଇଁ ନିର୍ଦେଶ ଦିଆଯାଇଛି । ଗତ ଦଶ ବର୍ଷ ମଧ୍ୟରେ ଏହା ସବୁଠାରୁ ବଡ ପ୍ରାକୃତିକ ବିପର୍ଯ୍ୟୟ ବୋଲି ଜାପାନ ସରକାର କହିଛନ୍ତି ।
ଉଦ୍ଧାର କାର୍ଯ୍ୟପାଇଁ ପୁଲିସ, ଅଗ୍ନିଶମ ବିଭାଗ କର୍ମଚାରୀ ଓ ସେନାକୁ ନିୟୋଜିତ କରାଯାଇଛି ।
