ଶ୍ରୀନଗର : ଉତ୍ତର କାଶ୍ମୀରର କୁପୱାରା ଜିଲାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି। ଏହି ଗୁଳିବିନିମୟରେ ୪ ଆତଙ୍କବାଦୀ ନିହତ ହୋଇଛନ୍ତି। ପାକ୍ ଅଧିକୃତ କାଶ୍କୀରରୁ ଅନୁପ୍ରବେଶ ଉଦ୍ୟମ ବେଳେ ଏହି ଗୁଳିବିନିମୟ ହୋଇଛି। ସେନା ଓ ପୁଲିସର ମିଳିତ ଗୁଳିବିନିମୟରେ ୪ ଆତଙ୍କୀ ନିହତ ହୋଇଛନ୍ତି। ଜିଲାର ମାଚ୍ଛିଲ ସେକ୍ଟରର କାଲା ଜଙ୍ଗଲରେ ଏହି ଗୁଳିବିନିମୟ ଘଟିଛି। କାଶ୍ମୀର ଜୋନ୍ ପୁଲିସ ନିଜର ଟ୍ୱିଟରେ ଏହି ସୂଚନା ଦେଇଛନ୍ତି। ଆତଙ୍କବାଦୀମାନେ ପିଓଜେକେରୁ ଭାରତୀୟ ସୀମା ଆଡକୁ ଅନୁପ୍ରବେଶ କରିବାକୁ ଚେଷ୍ଟା କରୁଥିଲେ। ଏହି ସମୟରେ ସୁରକ୍ଷା ବାହିନୀ ସେମାନଙ୍କୁ ଗୁଳିଚାଳନା କରିଥିଲେ। ସୁରକ୍ଷା ବାହିନୀ ସମ୍ପୃକ୍ତ ଅଞ୍ଚଳକୁ ଘେରି ରହିଛନ୍ତି। ଘଟଣାସ୍ଥଳରେ ଏବେ ମଧ୍ୟ ତଲାସି ଅଭିଯାନ ଜାରି ରହିଛି।
Comments are closed.