ଜୟପୁର : ରାଜସ୍ଥାନରେ ପ୍ରବଳ ଖରା ଓ ଗରମରେ ଏପର୍ଯ୍ୟନ୍ତ ୧୩ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଶୁକ୍ରବାର ଦିନ ଫଲୋଦିରେ ୪୯ ଡିଗ୍ରୀ ତାପମାତ୍ରା ଅତିକ୍ରମ କରି ରାଜ୍ୟର ସବୁଠାରୁ ଉତ୍ତପ୍ତ ସହର ଥିଲା। ବିକାନେର, କୋଟା, ଗଙ୍ଗାନଗର, ଜୈସଲମେର, ବାରମେର ତାପମାତ୍ରା ୪୫ ଡିଗ୍ରୀ ଅତିକ୍ରମ କରିଛି। ତାପମାତ୍ରା ଆହୁରି ୨ଡିଗ୍ରୀ ବୃଦ୍ଧି ପାଇବ ବୋଲି ପାଣିପାଗ ବିଭାଗ ଚେତାବନୀ ଦେଇଛି।
ରାଜ୍ୟରେ ଖରା ଯୋଗୁଁ ଏପର୍ଯ୍ୟନ୍ତ ୧୩ ଜଣଙ୍କର ମୃତ୍ୟୁ ହୋଇଛି। ଅନେକ ଜିଲ୍ଲାରେ ତାପମାତ୍ରା ସ୍ୱାଭାବିକଠାରୁ ୨ଡିଗ୍ରୀରୁ ଅଧିକ ରେକର୍ଡ କରାଯାଉଛି। ଶୁକ୍ରବାର ଦିନ ଫଲୋଦି ରାଜ୍ୟର ସବୁଠାରୁ ଉତ୍ତପ୍ତ ସହର ଥିଲା, ଏଠାରେ ତାପମାତ୍ରା ୪୯ ଡିଗ୍ରୀ ଛୁଇଁଥିଲା।
ଯୋଧପୁରରେ ତାପମାତ୍ରା ୪୭.୬, ଗଙ୍ଗାନଗର ୪୬.୬, ବିକାନେର୍ ୪୫.୮, ବାରମେର ୪୮.୨, ଜୈସଲମେର ୪୮.୩ ରେକର୍ଡ କରାଯାଇଛି। ଆସନ୍ତା ୭୨ ଘଣ୍ଟା ମଧ୍ୟରେ ସର୍ବାଧିକ ତାପମାତ୍ରା ଆହୁରି ବୃଦ୍ଧି ପାଇବ ବୋଲି ପାଣିପାଗ ବିଭାଗ ଚେତାବନୀ ଦେଇଛି। ଏହି ସମୟରେ ଯୋଧପୁର, ବିକାନେର, ଉଦୟପୁର ଏବଂ କୋଟାରେ ୨ ଡିଗ୍ରୀ ବୃଦ୍ଧି ପାଇପାରେ।
ପାଣିପାଗ ବିଭାଗର ଏହି ଚେତାବନୀ ଅନୁସାରେ ରାଜସ୍ଥାନର ସ୍ୱାସ୍ଥ୍ୟ ସେବାକୁ ଜରୁରୀକାଳୀନ ସ୍ଥିତିରେ ରଖାଯାଇଛି। ଡାକ୍ତରଖାନା ଗୁଡ଼ିକରେ ଉତ୍ତାପ , ଗ୍ରୀଷ୍ମପ୍ରବାହ ଦ୍ୱାରା ପ୍ରଭାବିତ ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି।
