ଜଗତସିଂହପୁର : ବରିଷ୍ଠ ବିଧାୟକ ତଥା ପୂର୍ବତନ ମନ୍ତ୍ରୀ ବିଷ୍ଣୁ ଦାସଙ୍କ ଅନ୍ତିମ ସଂସ୍କାର ମଙ୍ଗଳବାର ଜଗତସିଂହପୁରରେ ଅନୁଷ୍ଠିତ ହେବ। ତିର୍ତ୍ତୋଲର ବିଧାୟକ ବିଷ୍ଣୁ ଦାସଙ୍କ ବିୟୋଗରେ ଜଗତସିଂହପୁର ଜିଲ୍ଲାର ବହୁ ବିଶିଷ୍ଟ ବ୍ୟକ୍ତିମାନେ ଶୋକପ୍ରକାଶ କରିଛନ୍ତି।
ତିର୍ତ୍ତୋଲ ନିର୍ବାଚନମଣ୍ଡଳୀର କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ଲକ୍ଷ୍ମଣ ମଲ୍ଲିକଙ୍କ ପୁତ୍ର ଦେବୀପ୍ରସାଦ ମଲ୍ଲିକ ଶୋକବ୍ୟକ୍ତ କରିଥିବା ବେଳେ ପାରାଦ୍ୱୀପ କଂଗ୍ରେସ ନେତା ବାପି ସର୍ଖେଲ ଶୋକବ୍ୟକ୍ତ କରିଛନ୍ତି। ସେହିଭଳି ଜଗତସିଂହପୁର ଜିଲ୍ଲା ବିଜେଡ଼ିର ଉପସଭାପତି ତଥା ବିଷ୍ଣୁଙ୍କ ଖାସ୍ ସହଯୋଗୀ ଦିପ୍ତି ଦାସ ଗଭୀର ଶୋକବ୍ୟକ୍ତ କରିଥିବା ବେଳେ ଜଗତସିଂହପୁର ବ୍ଲକ-୩ନମ୍ବର ଜୋନର ପୂର୍ବତନ ଜିଲ୍ଲାପରିଷଦ ସଭ୍ୟ ଅଞ୍ଜଳି ପରିଡା ଶୋକବ୍ୟକ୍ତ କରିଛନ୍ତି। ସେମିତି ଜଗତସିଂହପୁରର ଜଣାଶୁଣା ଆଇନଜୀବୀ ଅତୁଲ୍ୟ ଚନ୍ଦ୍ର ଦାସ ଶୋକବ୍ୟକ୍ତ କରିଥିବା ବେଳେ ପାରାଦ୍ୱୀପର ବିଜେଡ଼ି ନେତା ସନ୍ତୋଷ କୁମାର ପଟ୍ଟନାୟକ ଗଭୀର ଶୋକବ୍ୟକ୍ତ କରିବା ସହ ତାଙ୍କର ଅମର ଆତ୍ମାର ସଦଗତି କାମନା କରିଛନ୍ତି।
