ନୂଆଦିଲ୍ଲୀ : ଆଇଭୂମି ଜିଟ୍ ଏକ୍ସଜେଡଇର ନୂଆ ଭେରିଏଣ୍ଟ ନେଇଆସିଛି ଯେଉଁଥିରେ ୩ କେଡବ୍ଲୁଏଚ୍ ବ୍ୟାଟେରୀ ଲାଗିଛି । ଏହାକୁ ଥରେ ଚାର୍ଜ କଲେ ୧୭୦ କିଲୋମିଟର ଯାତ୍ରା କରିହେବ । ଏହି ଇଲେକ୍ଟ୍ରିକ୍ ସ୍କୁଟରର ଦାମ୍ ୯୯,୯୯୯ ଟଙ୍କା ରଖିଛି କମ୍ପାନୀ । ମହାରାଷ୍ଟ୍ର, ଗୁଜରାତ, ତାମିଲନାଡୁ, ତେଲଙ୍ଗାନା ଓ ରାଜସ୍ଥାନ ଭଳି ସହରରେ ivoomiର ଡିଲରସିପରେ ସ୍ଥାନୀୟ ପଞ୍ଜୀକରଣ ସହିତ ଉପଲବ୍ଧ ହେବ ଏହି ସ୍କୁଟର ।
ନୂଆ ଭେରିଏଣ୍ଟ ମୋବାଇଲ ଆପ୍ କନେକ୍ଟିଭିଟି ସହିତ ଏକ ଆଡଭାନ୍ସ ସ୍ମାର୍ଟ ସ୍ପିଡୋମିଟର ଆସିଥାଏ ଯାହା ରାଇଡର୍ସଙ୍କୁ ଅନେକ ଫିଚର୍ସ ଅଫର କରିଥାଏ । ଏଥିରେ ଟର୍ଣ୍ଣ-ବାଏ-ଟର୍ଣ୍ଣ ନେଭିଗେସନ, ବ୍ଲୁଟୁଥ୍ କନେକ୍ଟିଭିଟି, କଲ୍ ଓ ମେସେଜ୍ ନୋଟିଫିକେସନ୍, ଟ୍ରିପ୍ ଡାଟା, ଏସଓସି ଆଲର୍ଟ ଭଳି ଫିଚର୍ସ ମିଳିଥାଏ । ଏହା ବ୍ୟତୀତ ବ୍ୟାଟେରୀ ଚାର୍ଜିଂ ପ୍ରତିଶତ ତଥ୍ୟ ମଧ୍ୟ ଚାଳକଙ୍କୁ ଦର୍ଶାଇଥାଏ ।
ଏଥିରେ ୩ ଭିନ୍ନ ଭିନ୍ନ ରାଇଡିଂ ମୋଡ୍ ମିଳିଥାଏ । ଇକୋ ମୋଡରେ ୧୭୦ କି.ମି ରେଞ୍ଜ ଅଫର କରିଥାଏ ଏହି ବାଇକ୍ । ଏହା ବ୍ୟତୀତ ରାଇଡର ମୋଡ୍ ମିଳିଥାଏ ଯାହା ୧୪୦ କିମିର ରେଞ୍ଜ ପ୍ରଦାନ କରିଥାଏ । ଏହା ବ୍ୟତୀତ ଗାଡିରେ ସ୍ପିଡ୍ ମୋଡ୍ ମଧ୍ୟ ମିଳିଥାଏ ଯେଉଁଥିରେ ଆପଣ ୧୩୦ କି.ମି ଦୂର ଯାତ୍ରା କରିପାରିବେ । ଏହାର ସର୍ବାଧିକ ସ୍ପିଡ୍ ୬୩ କିଲୋମିଟର ପ୍ରତି ଘଣ୍ଟା । ଗାଡିର ବ୍ୟାଟେରୀର ୫ ବର୍ଷର ଓ୍ବାରେଣ୍ଟି ଦିଆଯାଉଛି । ଏହି ଭେରିଏଣ୍ଟର ଡେଲିଭରୀ ଅଗଷ୍ଟ ମାସରେ ଆରମ୍ଭ ହୋଇଯିବ ।
ଜିଓର ସବୁଠୁ ଶସ୍ତା ପ୍ଲାନ୍ ! ମାତ୍ର ୫ ଟଙ୍କାରେ ଦୈନିକ ଅସୀମିତ କଲିଂ, ଡାଟା
