ବେଙ୍ଗାଲୁରୁ : ଚନ୍ଦ୍ରଯାନ-୩ ଏହାର ମହାକାଶ ଯାତ୍ରା ସମୟରେ ଉତ୍ତୋଳନ କରିଥିବା ଆଉ ଦୁଇଟି ଫଟୋକୁ ଇସ୍ରୋ ଜାରି କରିଛି। ଗୋଟିଏ ଫଟୋ ପୃଥିବୀ ପୃଷ୍ଠର ହୋଇଥିବାବେଳେ ଆଉ ଗୋଟିଏ ଫଟୋ ଚନ୍ଦ୍ର ପୃଷ୍ଠର। ଜୁଲାଇ ୧୪ ତାରିଖ ଉତ୍କ୍ଷେପଣ ଦିନ ଚନ୍ଦ୍ରଯାନ-୩ର ଲ୍ୟାଣ୍ଡର ଇମେଜର (ଏଲଆଇ) କ୍ୟାମେରା ଉତ୍ତୋଳନ କରିଥିବା ପୃଥିବୀ ପୃଷ୍ଠର ଫଟୋକୁ ଇସ୍ରୋ ଗୁରୁବାର ଜାରି କରିଛି। ଏହା ସହିତ ଅଗଷ୍ଟ ୬ରେ ଚନ୍ଦ୍ରଯାନ-୩ ଚନ୍ଦ୍ରର କକ୍ଷ ପଥରେ ପ୍ରବେଶ କରିବା ପରେ ଉତ୍ତୋଳନ କରିଥିବା ଚନ୍ଦ୍ର ପୃଷ୍ଠର ଫଟୋକୁ ମଧ୍ୟ ଇସ୍ରୋ ଜାରି କରିଛି। ଚନ୍ଦ୍ରଯାନ-୩ର ଲାଣ୍ଡର ହରାଇଜଣ୍ଟାଲ ଭେଲୋସିଟି କ୍ୟାମେରା (ଏଲଏଚଭିସି) କ୍ୟାମେରା ଚନ୍ଦ୍ରର ଫଟୋକୁ ଉତ୍ତୋଳନ କରିଥିଲା। ଏହା ପୂର୍ବରୁ ଚନ୍ଦ୍ରଯାନ-୩ ଦ୍ବାରା ଉତ୍ତୋଳନ କରାଯାଇଥିବା ଚନ୍ଦ୍ରପୃଷ୍ଠର ଭିଡିଓକୁ ଇସ୍ରୋ ଜାରି କରିଥିଲା। ଅଗଷ୍ଟ ୧ରେ ଚନ୍ଦ୍ରଯାନ-୩ ଚନ୍ଦ୍ରର କକ୍ଷ ପଥରେ ପ୍ରବେଶ କରିଥିଲା। ଚନ୍ଦ୍ରଯାନ-୩ ଏବେ ଚନ୍ଦ୍ରପୃଷ୍ଠ ଠାରୁ ୧୪୩୭ କିମି ଦୂର କକ୍ଷ ପଥରେ ପରିକ୍ରମଣ କରୁଛି।
Comments are closed.