ନୂଆଦିଲ୍ଲୀ : ଆପଣ ଟିଭି ଓ ସାମାଜିକ ଗଣମାଧ୍ୟମରେ କୂଅ ବା ବୋରଓ୍ବେଲରେ ଫସିଥିବା ଶିଶୁର ଉଦ୍ଧାର କାର୍ଯ୍ୟ ଖବର ଦେଖିଥିବେ । କିନ୍ତୁ ଆପଣ କେବେ ସମୁଦ୍ର କୂଳରେ କୌଣସି ମୋବାଇଲର ଉଦ୍ଧାର କାର୍ଯ୍ୟ ଦେଖିଛନ୍ତି କି ? ନିକଟରେ ଏମିତି ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ସମୁଦ୍ର କୂଳରେ ଜଣେ ମହିଳାଙ୍କ ଆଇଫୋନ୍ ଉଦ୍ଧାର କରାଯାଉଥିବା ଦେଖିବାକୁ ମିଳିଛି ।
କର୍ଣ୍ଣାଟକର ଜଣେ ମହିଳା, କେରଳର ଓର୍କଲାରେ ଛୁଟି କଟାଇବାକୁ ଆସିଥିଲେ । କିନ୍ତୁ ତାଙ୍କର ଦେଢ ଲକ୍ଷ ଟଙ୍କିଆ ଆଇଫୋନ୍ ସମୁଦ୍ର କୂଳରେ ଥିବା ପଥର କନ୍ଦିରେ ଫସିଯାଇଥିଲା । ଓର୍କଲାରେ ଏଣ୍ଟିଲିଆ ଶୋଲେଟରେ ରହୁଥିବା ମହିଳା ରିସୋର୍ଟର କର୍ମଚାରୀଙ୍କୁ ସାହାଯ୍ୟ ମାଗିଲେ । ଏହା ପରେ ତାଙ୍କ ଫୋନ୍ ବାହାର କରିବା ପାଇଁ ୭ ଘଣ୍ଟା ଧରି ବଡ ଅଭିଯାନ ଚାଲିଲା । ଶେଷରେ ମହିଳାଙ୍କ ଫୋନ୍ ସୁରକ୍ଷିତ ଭାବେ ବାହାର କରାଗଲା । ତେବେ ଏହି ସମୟର ଦୃଶ୍ୟ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।
View this post on Instagram
ଭିଡିଓଟି ଭାଇରାଲ ହେବାପରେ ଲୋକେ ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି । କିଛି ଲୋକ କହୁଛନ୍ତି କି ଫୋନ ପାଇଁ ଅଗ୍ନିଶମ ବାହିନୀକୁ ଡକାଇବା ଆଦୌ ଉଚିତ୍ ନୁହେଁ । ସାଧାରଣ ଲୋକଙ୍କ ଟ୍ୟାକ୍ସକୁ ଭୁଲ୍ କାର୍ଯ୍ୟରେ ଲଗାଯାଉଛି କହି କିଛି ଲୋକ ଘଟଣାରେ କଟାକ୍ଷ କରିଛନ୍ତି । ଆଉ କିଛି ଲୋକ ଏହାକୁ ମଜାଳିଆ ଢଙ୍ଗରେ ନେଇଛନ୍ତି । ଭିଡିଓକୁ ସମସ୍ତେ ଲାଇକ୍ କରିବା ସହ ସେୟାର କରୁଛନ୍ତି ।
Comments are closed.