କଟକ: ୨୦୨୫-୨୬ ଶିକ୍ଷାବର୍ଷ ପାଇଁ ଆଜି କଟକ ବାରବାଟୀ ଷ୍ଟାଡିଅମ ସ୍ଥିତ ସେଣ୍ଟ ଜାଭିୟର୍ସ ଉଚ୍ଚ ବିଦ୍ୟାଳୟର ଛାତ୍ର ସଂସଦର ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଦ୍ୟାଳୟର ଅଧ୍ୟକ୍ଷ ଡଃ ପ୍ରିୟଦର୍ଶୀ ନାୟକ ଛାତ୍ର ସଂସଦର ନବ ନିର୍ବାଚିତ ସଭ୍ୟସଭ୍ୟାଙ୍କୁ ସେମାନଙ୍କ କର୍ତ୍ତବ୍ୟ ବିଷୟରେ ଅବଗତ କରାଇବା ସହ ବିଦ୍ୟାଳୟର ଉନ୍ନତିରେ ସେମାନଙ୍କ ମହତ୍ୱପୂର୍ଣ୍ଣ ସହଯୋଗ କାମନା କରିଥିଲେ।
ହେଡ଼ ବୟ ହମଯା ଅବଦୁଲ, ହେଡ ଗାର୍ଲ୍ ଶ୍ରଦ୍ଧା ଭଞ୍ଜଦେଓଙ୍କ ସମେତ ବିଦ୍ୟାଳୟର ଗାନ୍ଧୀ ଗୃହ, ଟେରେସା ଗୃହ, ସେକ୍ସପିଅର ଗୃହ ଏବଂ କାଲାମ ଗୃହର କ୍ୟାପଟେନ ଓ ପ୍ରିଫେକ୍ଟମାନଙ୍କୁ ବ୍ୟାଚ୍ ପ୍ରଦାନ ପରେ ସେମାନେ ଶପଥ ଗ୍ରହଣ କରିଥିଲେ। ବିଦ୍ୟାଳୟର ଖେଳକୁଦ, ଶିକ୍ଷା, କଳା, ସଂସ୍କୃତି, ସ୍ଵାସ୍ଥ୍ୟ ତଥା ସୌନ୍ଦର୍ଯ୍ୟକରଣ ବିଭାଗୀୟ ମୁଖ୍ୟ ଭାବରେ ନିର୍ବାଚିତ ପ୍ରତିନିଧିମାନଙ୍କୁ ମଧ୍ୟ ବ୍ୟାଚ ପ୍ରଦାନ କରାଯାଇଥିଲା। ଆୟୋଜିତ କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ତଥା ସଂଯୋଜକମାନେ ଉପସ୍ଥିତ ଥିଲେ।
