ଗୋପାଳପୁର : ବ୍ରହ୍ମପୁର ବିଶ୍ଵବିଦ୍ୟାଳୟ କ୍ରୀଡ଼ା ପରିଷଦ ପକ୍ଷରୁ ତିନି ଦିନିଆ ଇଣ୍ଟର କଲେଜ ବ୍ୟାଡମିଣ୍ଟନ ପୁରୁଷ ଓ ମହିଳା ପ୍ରତିଯୋଗିତା ବୁଧବାର ଉଦଘାଟିତ ହୋଇଯାଇଛି । କ୍ରୀଡ଼ା ପରିଷଦର ସମ୍ପାଦକ ପ୍ରଫେସର ଗଣେଶ ସେଠୀଙ୍କ ଅଧକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭାବେ କୁଳପତି ପ୍ରଫେସର ଗୀତାଞ୍ଜଳି ଦାଶ ଯୋଗ ଦେଇ କ୍ରୀଡ଼ାବିତଙ୍କୁ ଉତ୍ସାହିତ କରିବା ସହ ପାଠପଢ଼ା ସହିତ ଖେଳକୁଦ ଦ୍ୱାରା ଶାରୀର ସୁସ୍ଥ ରହିବ ଏବଂ ନିଯୁକ୍ତି କ୍ଷେତ୍ରରେ ସହାୟତା ହେବ, ଜିତିବା ହାରିବା ବାଦ ଦେଇ ବିଭିନ୍ନ ଖେଳକୁଦ ପ୍ରତିଯୋଗିତାରେ ଭାଗ ନେବା ପାଇଁ ପରାମର୍ଶ ଦେଇଥିଲେ। ଉଦଘାଟନ ଉତ୍ସବରେ ବ୍ରହ୍ମପୁର ବିଶ୍ଵବିଦ୍ୟାଳୟ ଅଧୀନରେ ଥିବା ୨୧ଟି କଲେଜରୁ ପ୍ରାୟ ୯୦ ଜଣ ପୁରୁଷ କ୍ରୀଡ଼ାବିତ ଯୋଗ ଦେଇଥିଲେ। ଅଫିସିୟାଲ ଭାବେ ଦୀପକ ତିବରବାଲା, ଶିବ ପ୍ରସାଦ ପାଢ଼ୀ, ଶୁଭମ କୁମାର ପ୍ରଧାନ, ସୋରେଜ ଦୋରା,ପ୍ରଦୀପ ନାୟକ,ସିଦ୍ଧାର୍ଥ ଶଙ୍କର ପାଢ଼ୀ ପରିଚାଳନା କରିଥିଲେ। କ୍ରୀଡ଼ା ପରିଷଦ ପକ୍ଷରୁ କୋଚ ରାଜେଶ ମହାନ୍ତି, ପିଇଓ ରବି ଚରଣ ମିଶ୍ର, ରବିନ୍ଦ୍ର ବେହେରା, ଏସ. କ୍ରୀଷ୍ଣା ରେଡ଼ି ପ୍ରମୁଖ ପରିଚାଳନାରେ ସହଯୋଗ କରିଥିଲେ। ପ୍ରଥମ ଦିନରେ ମହିଳା ବିଭାଗର ୩ଟି ଓ ପୁରୁଷ ବିଭାଗର ୨ଟି ଖେଳ ହୋଇଥିଲା।
Comments are closed.