ଭୁବନେଶ୍ବର: ଭାରତୀୟ ରେଡକ୍ରସ ସୋସାଇଟି, ଓଡ଼ିଶା ରାଜ୍ୟ ଶାଖା ‘ବିଶ୍ୱ ମହିଳା ଦିବସ ଉପଲକ୍ଷେ ମହିଳା ସାମାଜିକ ବ୍ୟବସାୟୀମାନଙ୍କ ଦ୍ୱାରା ପ୍ରସ୍ତୁତ ସାମଗ୍ରୀ ଗୁଡ଼ିକର ଏକ ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି। ଏହି ପ୍ରଦର୍ଶନୀ କଟକସ୍ଥିତ ‘ସହାୟ’, ମାନସିକ ଅନଗ୍ରସର ପିଲାଙ୍କ ସ୍ୱତନ୍ତ୍ର ବିଦ୍ୟାଳୟ ଦ୍ୱାରା ପରିଚାଳିତ ହୋଇଥିଲା। ଏହି ପ୍ରଦର୍ଶନୀରେ କଟକ ଓ ଭୁବନେଶ୍ୱରରୁ ୨୦ଟି ଷ୍ଟଲରେ ମହିଳା ସାମାଜିକ ବ୍ୟବସାୟୀମାନେ ସେମାନଙ୍କର ଦକ୍ଷତା ପ୍ରଦର୍ଶନ କରିଥିଲେ। ଳବିଶ୍ୱ ମହିଳା ଦିବସ ଉପଲକ୍ଷେ ଏହି ବର୍ଷର ସ୍ଲୋଗାନ ‘ଆସନ୍ତା କାଲି ବଞ୍ଚିବା ନିମନ୍ତେ ଆଜିର ଲିଙ୍ଗଗତ ସମାନତା’ର ପାଳନକୁ ଏହି ମହିଳା ସାମାଜିକ ବ୍ୟବସାୟୀମାନେ ସେମାନଙ୍କର ଦକ୍ଷତା ପ୍ରଦର୍ଶନ ଦ୍ୱାରା ସମ୍ଭବ କରିଥିଲେ। ପ୍ରଦର୍ଶନୀଟି ଭାରତୀୟ ରେଡ଼କ୍ରସ ସୋସାଇଟି, ଓଡ଼ିଶା ରାଜ୍ୟ ଶାଖାର ଅବୈତନିକ ସଚିବ ସୁଶ୍ରୀ ସି.ଟି.ଏମ୍. ସୁଗୁଣା ଓ କଟକସ୍ଥିତ ସହାୟ, ମାନସିକ ଅନଗ୍ରସର ପିଲାଙ୍କ ସ୍ୱତନ୍ତ୍ର ବିଦ୍ୟାଳୟର ଅବୈତନିକ ସଚିବ ମୃଣାଳିନୀ ପାଢ଼ୀଙ୍କର ଉଦ୍ୟୋଗ ଯୋଗୁ ସଫଳତାର ସହିତ ସମ୍ଭବ ହୋଇ ପାରିଥିଲା।
Comments are closed.