ନୂଆଦିଲ୍ଲୀ : ଆମେରିକାର ବାଇକ୍ ନିର୍ମାତା କମ୍ପାନୀ ‘ଇଣ୍ଡିଆନ ମୋଟରସାଇକେଲ’ ନିକଟରେ ଭାରତରେ ନିଜ ରୋଡମାଷ୍ଟର ଟୁରର ଏକ ଲିମିଟେଡ୍ ଏଡିଶନର ବଜାର ପ୍ରବେଶ କରିଛି । ଏହାର ଦାମ୍ ୭୧.୮ ଲକ୍ଷ ଟଙ୍କା ରଖାଯାଇଛି । ରୋଡମାଷ୍ଟର ଏଲିଟର ସାରା ବିଶ୍ବରେ ମାତ୍ର ୩୫୦ ୟୁନିଟ୍ସ ହିଁ ନିର୍ମାଣ ହେବ । ଏହା ଭାରତର ସବୁଠାରୁ ମହଙ୍ଗା ବାଇକ୍ ମଧ୍ୟରୁ ଗୋଟିଏ ହେବ । ୧୯୦୧ରେ ସ୍ଥାପିତ ଇଣ୍ଡିଆନ ମୋଟରସାଇକେଲ ଏକ ଆମେରିକୀୟ ବାଇକ୍ ବ୍ରାଣ୍ଡ୍ ଯାହା ଭାରତରେ କିଛି ବଛା ବଛା ମଡେଲ ଯଥା ଇଣ୍ଡିଆନ ସ୍କୁଟ ଓ ଚିଫ୍ଟେନ ନେଇଆସିଥାଏ ।
ଇଣ୍ଡିଆନ ରୋଡମାଷ୍ଟର ଏଲିଟ୍ ମାତ୍ର ଗୋଟିଏ ରଙ୍ଗରେ ଉପଲବ୍ଧ ହେବ । ରେଡ୍ କ୍ୟାଣ୍ଡି ଏବଂ ଡାର୍କ ବ୍ଲାକ୍ କଲରରେ ଏହାକୁ କିଣିପାରିବେ ଗ୍ରାହକ । ଏଥିରେ ୧୮୯୦ ସିସିର ଏୟାର-କୁଲ୍ଡ ଇଞ୍ଜିନ ରହିଛି ଯାହା ୬ ସ୍ପିଡ୍ ଗିୟରବକ୍ସ ସହିତ ଆସିଥାଏ । ଏହାର ଭି-ଟ୍ବିନ୍ ଇଞ୍ଜିନ ୨୯୦୦ ଆରପିଏମରେ ୧୭୦ ଏନଏମର ପିକ୍ ଟର୍କ ଜେନେରେଟ୍ କରିଥାଏ । ଏଥିରେ ୧୨ଟି ସ୍ପିକର ମିଳିବ । କନସୋଲ୍ ପାଇଁ ୭ ଇଞ୍ଚର ଡିଜିଟାଲ ଡିସପ୍ଲେ ରହିଛି ଯାହା ଜିପିଏସ୍ ନେଭିଗେସନ ଫଙ୍କସନ୍ ସହିତ କ୍ରୁଜ୍ କଣ୍ଟ୍ରୋଲ, ବ୍ଲୁଟୁଥ୍ କନେକ୍ଟିଭିଟି ମିଳିବ । ଚାଳକ ଓ ପାସେଞ୍ଜର ବସିବା ପାଇଁ ହିଟେଡ୍ ଓ କୁଲ୍ଡ ସିଟ୍ ମିଳିବ । ଗାଡିର ଦାମ୍ ୭୧.୮ ଲକ୍ଷ ଟଙ୍କା ରଖାଯାଇଛି ।
Comments are closed.