ଆମେରିକାରେ ଭାରତୀୟ ବଂଶୋଦ୍ଭବ ପୁଲିସ କର୍ମଚାରୀଙ୍କୁ ଗୁଳି କରିଥିବା ଅପରାଧି ଗିରଫ
ଓ୍ୱାଶିଂଟନ . – ଆମେରିକାରେ ଖ୍ରୀଷ୍ଟମାସ ଅବସରେ ଜଣେ ଭାରତୀୟ ବଂଶୋଦ୍ଭବ ପୁଲିସ କର୍ମଚାରୀଙ୍କୁ ଗୁଳି କରି ହତ୍ୟା କରିଥିବା ଅଭିଯୁକ୍ତ ଗିରଫ ହୋଇଛି। ଏହି ଅଭିଯୁକ୍ତ ଗୁସ୍ତାବ ପରେଜ୍ ଆରିଆଗା ମେକ୍ସିକୋର ନାଗରିକ । ସେ ବେଆଇନ ଭାବେ ଆମେରିକାରେ ରହୁଥିଲେ । ଖ୍ରୀଷ୍ଟମାସରେ ଓଭର ଡ୍ୟୁଟି କରୁଥିବା ରୋନୀଲ ସିଂଙ୍କୁ ସେ କାଲିଫର୍ଣ୍ଣିଆର ଏକ ଛକ ନିକଟରେ ଗୁଳି କରି ଗୁରୁତର କରିଥିଲେ । ରୋନୀଲଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ଏହାପରେ କାଲିଫର୍ଣ୍ଣିଆ ପୁଲିସ ତଦନ୍ତ ଆରମ୍ଭ କରିଥିଲା । ଗୁସ୍ତାବ ପରେଜ୍ ଆରିଆଗା ନିଶାଗ୍ରସ୍ତ ଅବସ୍ଥା ଗାଡି ଚଳାଉଥିଲେ , ରୋନୀଲ ତାଙ୍କୁ ରୋକିବାରୁ ଚେଷ୍ଟା କରିବାରୁ ସେ ତାଙ୍କୁ ଗୁଳିକରି ହତ୍ୟା କରିଥିଲେ । ହତ୍ୟାକାଣ୍ଡରୁ ୩୦୦ କିଲୋମିଟର ଦୂରରେ ଅଭିଯୁକ୍ତ ଗୁସ୍ତାବ ପରେଜ୍ ଆରିଆଗାକୁ ଗିରଫ କରାଯାଇଛି। ତାକୁ ଫେରାର ହେବାରେ ସହାୟତା କରିବା ଅବସ୍ଥାରେ ଆହୁରି ୩ ଜଣଙ୍କୁ ଗିରଫ କରାଯାଇଛି ।