ଦୁବାଇ –ବାଂଲାଦେଶକୁ ୪୧ ରନ୍ରେ ପରାସ୍ତ କଲା ଭାରତ । ଏସିଆକପ୍ କ୍ରିକେଟ୍ ସୁପର୪ର ଭାରତ ବାଂଲାଦେଶ ମ୍ୟାଚ୍ରେ ଭାରତ ପ୍ରଥମ ବ୍ୟାଟିଂ କରି ୧୬୮ ରନ୍ କରିଥିଲା । ଏହାର ଓପନିଂ ବ୍ୟାଟର ଅଭିଷେକ୍ ଶର୍ମା ସର୍ବିଧିକ ୭୫ ରନ୍ କରିଥିଲେ । ସେ ୩୭ଟି ବଲ୍ରେ ୬ଟି ଚୌକା ଏବଂ ଗୋଟିଏ ଛ ସାହାଯ୍ୟରେ ୭୫ ରନ୍ କରିଥିଲେ । ଏହାପରେ ହାର୍ଦ୍ଦିକ୍ ପାଣ୍ଡ୍ୟାଙ୍କ ବ୍ୟତୀତ ଆଉ କେହି ଭଲ ଖେଳ ପ୍ରଦର୍ଶନ କରି ନଥିଲେ । ହାର୍ଦ୍ଦିକ ୩୮ ରନ୍ କରିଥିବା ବେଳେ ଶୁଭମନ୍ ଗିଲ୍ ୨୯ ରନ୍ କରିଥିଲେ ।
ବାଂଲାଦେଶ ପକ୍ଷରୁ ରିଶାଦ୍ ହୁସେନ୍ ଦୁଇଟି. ତାଂଜିମ୍ ହାସନ୍ , ମୁସ୍ତାଫିଜୁର ଓ ଶାଫୁଦୁଦିନ୍ ଗୋଟିଏ ଲେଖାଏଁ ଓ୍ୱିକେଟ୍ ନେଇଥିଲେ ।
ବାଂଲାଦେଶର ଓପନିଂ ବ୍ୟାଟର ସୈଫ୍ ହାସନ୍ ଭଲ ଖେଳ ପ୍ରଦର୍ଶନ କରିଥିଲେ । ସେ ୫୧ଟି ବଲ୍ରୁ ୬୯ ରନ୍ ସଂଗ୍ରହ କରିଥିଲେ । ପରଭେଜ୍ ହୁସେନ୍ ୨୧ ରନ୍ କରିଥିଲେ । ବାଂଲାଦେଶର ଅନ୍ୟ କୌଣସି ଖେଳାଳୀ ଦୁଇ ଅଙ୍କ ସ୍ପର୍ଶ କରିପାରି ନଥିଲେ ।
କୁଳଦୀପ ଜାଦବ ସର୍ବାଧିକ ୩ଟି ଓ୍ୱିକେଟ୍ ନେଇଥିବା ବେଳେ ଜଶ୍ପ୍ରୀତ୍ ବୂମରାହ୍ ଓ ବରୁଣ ଚକ୍ରବର୍ତ୍ତୀ ୨ଟି ଲେଖାଏଁ ଓ୍ୱିକେଟ୍ ଅକ୍ତିଆର କରିଥିଲେ । ଅକ୍ଷରପଟେଲ୍ ଓ ତୀଳକ ବର୍ମା ଗୋଟିଏ ଲେଖାଏଁ ଓ୍ୱିକେଟ୍ ନେଇଥିଲେ । ବାଂଲାଦେଶ ୧୯.୩ ଓଭର୍ରେ ୧୨୭ ରନ୍ରେ ଅଲ୍ଆଉଟ୍ ହୋଇଯାଇଥିଲା।
