ଡେସ୍କ: ୨୦୩୦ରେ ଯୁବ ଅଲିମ୍ପିକ୍ସ ଓ ୨୦୩୬ରେ ଗ୍ରୀଷ୍ମକାଳୀନ ଅଲିମ୍ପିକ୍ସ ଆୟୋଜନ ପାଇଁ ଭାରତ ବିଡ୍ କରିବ ବୋଲି ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀ ଡ. ମନସୁଖ ମାଣ୍ଡବ୍ୟ କହିଛନ୍ତି। ରବିବାର ନୂଆଦିଲ୍ଲୀଠାରେ ୪୪ତମ ଅଲିମ୍ପିକ୍ କାଉନସିଲ୍ ଅଫ୍ ଏସିଆ ସାଧାରଣ ସଭାକୁ ସମ୍ବୋଧିତ କରି ସେ କହିଥିଲେ ଯେ ସରକାର କ୍ରୀଡ଼ା ବଜେଟକୁ ୨୦୧୪-୧୫ରେ ପ୍ରାୟ ୧୪୩ ନିୟୁତ ଡଲାରରୁ ବର୍ତ୍ତମାନ ପ୍ରାୟ ୪୭୦ ନିୟୁତ ଡଲାରକୁ ବୃଦ୍ଧି କରିଛନ୍ତି। ଏହା ଏସୀୟ କ୍ରୀଡ଼ାରେ ୧୦୭ ଓ ଏସୀୟ ପାରା ଗେମ୍ସରେ ୧୧୧ ପଦକ ସହ ଦେଶର ଅସାଧାରଣ ପ୍ରଦର୍ଶନରେ ସହାୟକ ହୋଇଛି।
ଏହି ଅବସରରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡା କହିଛନ୍ତି ଯେ ଅଲିମ୍ପିକ୍ସ କାଉନସିଲ ଅଫ୍ ଏସିଆ ନିଜେ ପ୍ରମାଣ କରୁଛି ଯେ କ୍ରୀଡ଼ା କିପରି ଏକ ବିବିଧ ଗୋଷ୍ଠୀକୁ ଏକାଠି କରିପାରିବ ଏବଂ ଭାଇଚାରାର ଭାବନା ସୃଷ୍ଟି କରିପାରିବ। ସେ କହିଛନ୍ତି ଯେ ନିଆଯାଇଥିବା ନିଷ୍ପତ୍ତି ଏସୀୟ କ୍ରୀଡ଼ାବିତଙ୍କ ଭବିଷ୍ୟତ ଗଠନରେ ସହାୟକ ହେବ।
Comments are closed.