ଆନନ୍ଦପପୁର : ଦୁର୍ଘଟଣାରେ ମୃତ ଆମ୍ବୁଲାନ୍ସ ହେଲ୍ପର ପରିବାରକୁ କ୍ଷତି ପୂରଣ ଦାବିରେ ଆନନ୍ଦପୁରର ୨୦ ନମ୍ବର ଜାତୀୟ ରାଜପଥର ଶୈଳଙ୍ଗ ଠାରେ ଆମ୍ବୁଲାନ୍ସ କର୍ମଚାରୀ ସଂଘ ଓ ହେଲପରଙ୍କ ସମେତ ଗ୍ରାମବାସୀମାନେ କରିଥିବା ଅବରୋଧକୁ ହଟାଇ ଦିଆଯାଇଛି। ଘସିପୁରା ବିଧାୟକ ଓ କେନ୍ଦୁଝର ଏଡିଏମଙ୍କ ହସ୍ତକ୍ଷେପ ପରେ ପରିବାରକୁ ବିଭାଗ ପକ୍ଷରୁ ପାଞ୍ଚ ଲକ୍ଷ ଓ ଜିଲା ପ୍ରଶାସନ ପକ୍ଷରୁ ଦୁଇ ଲକ୍ଷ ଦିଆଯିଵା ପରେ ରାସ୍ତା ଅବରୋଧକୁ ହଟାଇ ଦିଆଯାଇଛି।
ସୂଚନା ଅନୁଯାୟୀ ଗତକାଲି ରାତିରେ ଆନନ୍ଦପୁରରୂ ରୋଗୀ ନେଇଯାଇଥିବା ଆମ୍ବୁଲାନ୍ସ କଟକ ଶିଶୁ ଭବନରୁ ରୋଗୀ ଛାଡି ଫେରୁଥିବା ବେଳେ, ଜାତୀୟ ରାଜପଥର ଧର୍ମଶାଳା ଥାନାର ରଥିଆ ଛକ ଠାରେ ଠିଆ ହୋଇଥିବାରୁ ଏକ ଟ୍ରକକୁ ଧକା ଦେଇଥିଲା ଆମ୍ବୁଲାନ୍ସ। ଏଥିରେ ହେଲପର ଗୁରୁତର ହୋଇଥିଲେ। କଟକ ମେଡିକାଲରେ ଆମ୍ବୁଲାନ୍ସ ହେଲପର ସେଠାରେ ମୃତ୍ୟୁ ଘଟିଥିଲା। ମୃତ ହେଲପରର ଘର ଆନନ୍ଦପୁର ଘସିପୁରା ଥାନା ବଳରାମପୁରରେ, ମାତ୍ର ଦୁଇମାସ ତଳେ ତାଙ୍କର ବିବାହ ହୋଇଥିଲା।
Comments are closed.