ଭୁବନେଶ୍ଵରରେ ମନୋଜ ଆହୁଜା: ଆଜି ସରୁଛି ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କ କାର୍ଯ୍ୟକାଳ

ଭୁବନେଶ୍ଵର: ଆଜି ସରିବ ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କ କାର୍ଯ୍ୟକାଳ। ଆଜିଠୁ ଦାୟିତ୍ଵ ଗ୍ରହଣ କରିବେ ନୂଆ ମୁଖ୍ୟ ଶାସନ ସଚିବ ମନୋଜ ଆହୁଜା। ଏଥିଲାଗି ସେ ସକାଳୁ ଦିଲ୍ଲୀରୁ ବିମାନ ଯୋଗେ ଆସି ଭୁବନେଶ୍ଵରରେ ପହଞ୍ଚିଛନ୍ତି। ମୁଖ୍ୟ ଶାସନ ସଚିବ ଭାବରେ ନାଁ ଘୋଷଣା ହେବା ପରେ ସେ ଓଡିଶା ଫେରିଛନ୍ତି। ଆଜି ଅପରାହ୍ନ ମନୋଜ ମୁଖ୍ୟ ଶାସନ ସଚିବ ଭାବରେ ଦାୟିତ୍ଵ ଗ୍ରହଣ କରିବେ। ୧୯୯୦ ବ୍ୟାଚ୍ ବରିଷ୍ଠ ଆଇଏଏସ୍ ଅଫିସର ହେଉଛନ୍ତି ମନୋଜ ଆହୁଜା। ଖୋର୍ଦ୍ଧା ଜିଲ୍ଲାପାଳ ଭାବରେ କ୍ୟାରିଅର ଆରମ୍ଭ କରିଥିଲେ ମନୋଜ। ସେ କେନ୍ଦ୍ର କୃଷି ସଚିବ ଦାୟିତ୍ଵରେ ରହିଥିଲେ। ୨୦୧୭ରେ କେନ୍ଦ୍ରୀୟ ଡେପୁଟେସନ୍ ରେ ଯିବା ପରେ ଲାଲ ବାହାଦୂର ଶାସ୍ତ୍ରୀ ଏକାଡେମୀର ନୂତନ ନିର୍ଦେଶକ ଭାବେ କାମ କରୁଥିଲେ। ୨୦୨୦ରେ କେନ୍ଦ୍ର ଶିକ୍ଷା ମନ୍ତ୍ରାଳୟରେ ସେ ସିବିଏସଇ ଅଧ୍ୟକ୍ଷ ଭାବେ ଦାୟିତ୍ଵରେ ରହିଥିଲେ। ଏହାପରେ ୨୦୦୯ ମସିହାରେ ଖାଦ୍ୟ ଯୋଗାଣ ସଚିବ , ୨୦୧୦ ଖଣି ଇସ୍ପାତ୍ ବିଭାଗ ସଚିବ ହୋଇଥିଲେ। ୨୦୧୨ରେ କ୍ରୀଡା ସଚିବ ବ୍ୟାପାର ଏବଂ ୨୦୧୨ରୁ ୨୦୧୫ ପର୍ଯ୍ୟନ୍ତ ବାଣିଜ୍ୟ କର କମିଶନର ଥିଲେ। ୨୦୧୫ ରେ ସମବାୟ ବିଭାଗର ସଚିବ ଦାୟିତ୍ଵ ଗ୍ରହଣ କରିଥିଲେ। ସେପଟେ କାର୍ଯ୍ୟକାଳ ସରିବା ପୂର୍ବରୁ ସୋସିଆଲ ମିଡିଆ ଏକ୍ସରେ ପ୍ରତିକ୍ରିୟା ରଖିଛନ୍ତି ପ୍ରଦୀପ ଜେନା। ସେ କହିଛନ୍ତି ମୁଁ ମୋ ଜୀବନର ଏକ ନୂତନ ସୋପାନରେ ପାଦ ଦେବାକୁ ଯାଉଛି। ତେଣୁ ନାଗରିକ ହିସାବରେ ସମସ୍ତଙ୍କଠାରୁ  ଆର୍ଶିବାଦ ଲୋଡୁଛି। ଆହୁରି ମଧ୍ୟ ସେ କହିଛନ୍ତି ସରକାର ବାହାରେ ରହି ସମସ୍ୟା ଦୂର କରିବାକୁ ଚେଷ୍ଟା କରିବି।