ନୂଆଦିଲ୍ଲୀ : ଜାତୀୟ ତଦନ୍ତକାରୀ ସଂସ୍ଥା ଏନ୍ଆଇଏ ଗତବର୍ଷର ପୁଲୱାମା ଆତଙ୍କବାଦୀବାଦୀ ଆକ୍ରମଣ ସହ ଜଡ଼ିତ ଆଉ ଦୁଇ ଜଣ ଅଭିଯୁକ୍ତକୁ ଗିରଫ୍ କରିଛି। ସେମାନଙ୍କର ପରିଚୟ ମିଳିଛି। ଜଣେ ହେଉଛି ତାରିକ ଅହମଦ ଶାହା ଏବଂ ଅନ୍ୟ ଜଣଙ୍କର ନାଁ ହେଉଛି ଇନଶା ଜାନ। ତାରିକ ଆତଙ୍କବାଦୀ ମାନଙ୍କୁ ସେମାନଙ୍କ ଘରେ ଆଶ୍ରୟ ଦେଇଥିଲା ଓ ସିଆର୍ପିଏଫ୍ ଗାଡ଼ି ଉପରେ ଆକ୍ରମଣ କରିବା ପାଇଁ ଯୋଜନା ପ୍ରସ୍ତୁତ କରିବାରେ ସେମାନଙ୍କୁ ସାହାଯ୍ୟ କରିଥିଲା। ତାରିକ ଘରେ ହିଁ ଆତଙ୍କବାଦୀମାନେ ଫିଦାୟେଁ ଅଦିଲ ଅଦମଦ ଧରର ଭିଡିଓ ସୁଟିଂ କରିଥିଲେ। ଯାହାକୁ ପୁଲୱାମା ଆତଙ୍କବାଦୀ ଆକ୍ରମଣ ପରେ ଜୈସେ-ଇ-ଅହମଦ ପକ୍ଷରୁ ଜାରି କରାଯାଇଥିଲା ।
ଅନ୍ୟ ଅଭିଯୁକ୍ତ ଜଣଙ୍କ ହେଉଛି ଇନଶା ଜାନ, ଯିଏକି ତାରିକର ଝିଅ। ସେ ଆତଙ୍କବାଦୀ ମାନଙ୍କୁ ନିଜ ଘରେ ଆଶ୍ରୟ ଦେବା ସହ ଖାଇବା ପିିଇବାର ବ୍ୟବସ୍ଥା କରିଥିଲା। ଆତଙ୍କବାଦୀ ମାନଙ୍କୁ ନିଜ ଜନିଷପତ୍ର ଓ ଗୋଳାବାରୁଦ ପରିବହନ ପାଇଁ ସାହାଯ୍ୟ କରିଥିଲା।
ଗତବର୍ଷ ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣରେ ୪୦ଜଣ ସିଆର୍ପିଏଫ୍ ଯବାନ ସହିଦ୍ ହୋଇଥିଲେ।
