କଣ୍ଟାବାଞ୍ଜି: କଣ୍ଟାବାଞ୍ଜିସ୍ଥିତ ଉତ୍କଳ ବାଳାଶ୍ରମରେ ବଲାଙ୍ଗୀର ଜିଲ୍ଲା ଜୁନିୟର ରେଡକ୍ରସ ତରଫରୁ ହାଇଜେନିକ କିଟ୍ ବଣ୍ଟନ କରାଯାଇଛି। ଜୁନିୟର ରେଡକ୍ରସ ପରାମର୍ଶଦାତା ବିରଞ୍ଚି ନାରାୟଣ ଦାଶଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ସଭାରେ ବଲାଙ୍ଗୀର ଜିଲ୍ଲା ଜୁନିୟର ରେଡକ୍ରସ ଅଧିକାରୀ ସୁବାଷ ଚନ୍ଦ୍ର ପଟେଲ ମୁଖ୍ୟ ଅତିଥି, ଚିନ୍ମୟ କୁମାର ଯୋଷୀ, ଲଳିତ ଅଗ୍ରୱାଲ, ସିଆରସିସି ପ୍ରେମରାଜ ପାଣିଗ୍ରାହୀ, ସରୋଜ ଦାସ, ଆମେରିକାନ ଇଣ୍ଡିଆ ଫେଡେରେସନର ଏମଆଇଏସ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସର୍ବ ପ୍ରଥମେ ଶ୍ରୀ ଦାଶ ସଭାର ଉଦ୍ଦେଶ୍ୟ ବିଷୟରେ କହିଥିଲେ। ପ୍ରତିଦିନ ଅନ୍ତେବାସୀମାନେ କିପରି ସ୍ୱଚ୍ଛତା ଉପରେ ଧ୍ୟାନ ଦେବା ସହିତ ଯୋଗ କରି ନିଜକୁ ସୁସ୍ଥ ରଖିବେ ସେଥିପ୍ରତି ଦୃଷ୍ଟି ଦେବାକୁ କହିଥିଲେ। ମୁଖ୍ୟ ଅତିଥି ଶ୍ରୀ ପଟେଲ ଜୁନିୟର ରେଡକ୍ରସ ଉପରେ ଆଲୋକପାତ କରିଥିଲେ। ଏହାପରେ ଅନ୍ତେବାସୀମାନଙ୍କୁ ହାଇଜେନିକ କିଟ୍ ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ବାଳାଶ୍ରମର ସୁପରିଟେଣ୍ଡେଣ୍ଟ ସମୀର ସାଗର, ପ୍ରଜତ୍ନକାରୀ ଶୁକ୍ରୁ ରାଏ ସହଯୋଗ କରିଥିଲେ।
Popular Categories
Previous article
Next article