ଗାନ୍ଧୀନଗର:ଗୁଜରାତରେ ନବମ ଶ୍ରେଣୀ ପିଲାଙ୍କ ପାଇଁ ଶନିବାର ଅନୁଷ୍ଠିତ ପରୀକ୍ଷାରେ ‘ଗାନ୍ଧିଜୀ କିପରି ଆତ୍ମହତ୍ୟା କଲେ’ ବୋଲି ପ୍ରଶ୍ନ ଆସିଛି; ଯାହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ସରକାରୀ ଅନୁଦାନରେ ପରିଚାଳିତ ‘ସେଲ୍ଫ-ଫାଇନାନ୍ସ’ ସ୍କୁଲ ‘ସୁଫଲମ୍ ଶାଲା ବିକାଶ ସଂକୁଳ’ର ମଧ୍ୟବର୍ତ୍ତୀ ପରୀକ୍ଷାରେ ଏଭଳି ପ୍ରଶ୍ନ ଆସିଛି। ସେହିଭଳି ଦ୍ବାଦଶ ଶ୍ରେଣୀ ପରୀକ୍ଷାରେ ନିଜ ଅଞ୍ଚଳରେ ମଦ କାରବାର ବୃଦ୍ଧି ଓ ଚୋରା ମଦ ବ୍ୟବସାୟୀଙ୍କ ଦ୍ବାରା ଅସାମାଜିକ କାର୍ଯ୍ୟକଳାପ ବୃଦ୍ଧି ସମ୍ପର୍କରେ ଜିଲା ପୁଲିସ ଅଧୀକ୍ଷକଙ୍କ ନିକଟକୁ ପତ୍ର ଲେଖିବାକୁ ପ୍ରଶ୍ନ ଆସିଛି। ଗୁଜରାତରେ ମଦ ବିକ୍ରି ନିଷିଦ୍ଧ ହୋଇଥିବାବେଳେ ଏପରି ପ୍ରଶ୍ନ ବ୍ୟତିକ୍ରମ ବୋଲି କୁହାଯାଉଛି। ଏହାକୁ ନେଇ ଶିକ୍ଷାବିତ୍ ଓ ଅଭିଭାବକ ମହଲ ପ୍ରତିବାଦ କରିବାରେ ରାଜ୍ୟ ଶିକ୍ଷା ବିଭାଗ ପକ୍ଷରୁ ତୁରନ୍ତ ଏହାର ତଦନ୍ତ ନିର୍ଦେଶ ଦିଆଯାଇଛି। ଦୁଇଟି ପ୍ରଶ୍ନ ଅତ୍ୟନ୍ତ ଆପତ୍ତିଜନକ। ଏଥିରେ ରାଜ୍ୟ ଶିକ୍ଷା ବିଭାଗର କୌଣସି ଭୂମିକା ନାହିଁ; ତଥାପି ତଦନ୍ତ ରିପୋର୍ଟ ମିଳିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶିକ୍ଷା ବିଭାଗ କର୍ତ୍ତୃପକ୍ଷ କହିଛନ୍ତି।
Comments are closed.