ଶୀତ ଋତୁ ଆସିବା ମାତ୍ରେ ତ୍ଵଚାକୁ ନେଇ ଚିନ୍ତା ଆରମ୍ଭ ହୋଇଯାଏ। ଏହି ଦିନରେ ତ୍ଵଚା ଶୁଷ୍କ ହେବା ଫଳରେ ଚମକ ହ୍ରାସ ପାଇବା ସହ ଆହୁରି ଅନେକ ସମସ୍ୟା ଦେଖା ଦେଇଥାଏ। ଏଥିରୁ ମୁକ୍ତି ପାଇବା ପାଇଁ ଆମେ ବଜାରରେ ମିଳୁଥିବା ବିଭିନ୍ନ ପ୍ରକାରର ଲୋଶନ୍ ଆଦି ଆଣି ବ୍ୟବହାର କରିଥାଉ। କିନ୍ତୁ ଏହା ଅପେକ୍ଷା ଘରୋଇ ଉପାୟରେ ପ୍ରସ୍ତୁତ ଲୋଶନ୍ ଆପଣଙ୍କ ପାଇଁ ଅଧିକ ଲାଭଦାୟକ ଏବଂ ଖାସ୍ କଥା ହେଉଛି ଏଥିରେ କୌଣସି ପାର୍ଶ୍ବ ପ୍ରତିକ୍ରିୟାର ଭୟ ମଧ୍ୟ ନ ଥାଏ। ତେବେ ଆସନ୍ତୁ ଜାଣିବା ଘରୋଇ ଉପାୟରେ ଲୋଶନ କିପରି ତିଆରି କରିବା –
ଆବଶ୍ୟକ ସାମଗ୍ରୀ:
ଗ୍ଲିସେରିନ୍- ୧ ଚାମଚ
ବାଦାମ ତେଲ- ୧ ଚାମଚ
ନଡ଼ିଆ ତେଲ- ୧ଚାମଚ
ଗୋଲାପ ଜଳ- ୨ ଚାମଚ
ପ୍ରସ୍ତୁତି ପ୍ରଣାଳୀ:
ପ୍ରଥମେ ୧ ଚାମଚ ବାଦାମ ଏବଂ ନଡିଆ ତେଲ ପକାଇ ଗରମ କରନ୍ତୁ। ପରେ ଏହାକୁ ଥଣ୍ଡା କରନ୍ତୁ ଏବଂ ଏଥିରେ ଗ୍ଲିସେରିନ୍ ଏବଂ ଗୋଲାପ ଜଳ ପକାଇ ଭଲଭାବେ ମିଶାନ୍ତୁ। ଏବେ ପ୍ରସ୍ତୁତ ହୋଇଗଲା ଆପଣଙ୍କ ଲୋଶନ। ଏହାକୁ ପ୍ରତିଦିନ ୨ ଥର ବ୍ୟବହାର କରିପାରିବେ। ରାତିରେ ଶୋଇବା ପୂର୍ବରୁ ଏହାକୁ ଲାଗଇବା ଦ୍ବାରା ଅଧିକ ଲାଭ ମିଳିଥାଏ।
Comments are closed.