କଳକାତା : ପଶ୍ଚିମବଙ୍ଗ ମେଦିନପୁରରେ ଗୃହମନ୍ତ୍ରୀ ଅମିତ ଶାହା ବିଶାଳ ଜନସଭାକୁ ସମ୍ବୋଧିତ କରିବା ଅବସରରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ଟିଏମସିର ମୂଖ୍ୟ ମମତା ବାନାର୍ଜୀଙ୍କୁ ଟାର୍ଗେଟ କରିଛନ୍ତି ।ଅମିତ ଶାହ କହିଛନ୍ତି ଯେ ଆଜି ସବୁ ଦଳର ଭଲ ଲୋକ ବିଜେପିକୁ ଆସିଛନ୍ତି ।ମୋଦୀ ସରକାରଙ୍କ ଉନ୍ନୟନ ମୂଳକ ଏବଂ ଜନମଙ୍ଗଳ କାର୍ଯ୍ୟ ଦେଖି ଆଜି ଟିଏମସିର ଜଣେ ସାଂସଦ, ୬ ଜଣ ବିଧାୟକଙ୍କ ସମେତ ଅନେକ ନେତା ବିଜେପିରେ ଯୋଗ ଦେଇଛନ୍ତି । ଅମିତ ଶାହ କହିଛନ୍ତି ଯେ ବିଜେପିରେ ଟିଏମସି ନେତା ଯୋଗା ଦେବା ଏବେ ଆରମ୍ଭ ହୋଇଛି । ନିର୍ବାଚନ ସମୟକୁ କେବଳ ମମତା ଦିଦି ଏକୁଟିଆ ଟିଏମସିରେ ରହିଥିବେ ।
Senior party members are leaving TMC. Didi accuses BJP of inducing party members to defect. But I want to ask her when she quit Congress to form TMC, was it not defection? This is just the start. She will be left alone by the election: Union Home Minister & BJP leader Amit Shah https://t.co/TXql49Pz0y
— ANI (@ANI) December 19, 2020
ପଶ୍ଚିମବଙ୍ଗ ମେଦିନପୁରରେ ଗୃହମନ୍ତ୍ରୀ ଅମିତ ଶାହାଙ୍କ ସଭାରେ ଆଜି ତୃଣମୂଳ କଂଗ୍ରେସର ପ୍ରମୁଖ ନେତା ଶୁଭେନ୍ଦୁ ଅଧିକାରୀ ଦଳ ଛାଡି ବିଜେପିରେ ମିଶିଛନ୍ତି । ଗୃହମନ୍ତ୍ରୀ ଅମିତ ଶାହଙ୍କ ରାଲିରେ ଶୁଭେନ୍ଦୁଙ୍କ ସହ ତୃଣମୂଳ କଂଗ୍ରେସର ୬, କଂଗ୍ରେସ ୧, ସିପିଆଇର ୧, ସିପିଏମର ୨ ସମେତ ୧୧ ବିଧାୟକ ବିଜେପିରେ ମିଶିଥିଲେ । ମମତା ବାନାର୍ଜୀ ଏହା ଏକ ବହୁତ ବଡ ଝଟକା ଭାବେ ବିବେଚନା କରାଯାଉଛି । ବିଧାୟକ ତାପସୀ ମଣ୍ଡଳ, ଅଶୋକ ଦିଣ୍ଡା, ସୁଦୀପ ମୁର୍ଖାଜୀ, ସୈକାତ ପାଞ୍ଝା, ଶୀଳଭଦ୍ର ଦତ, ଦୀପାଳି ବିଶ୍ୱାସ, ସୁକ୍ରା ମୁଣ୍ଡା, ଶ୍ୟାମପଦ ମୁର୍ଖାଜୀ, ବିଶ୍ୱଜିତ କୁଣ୍ଡୁ ଏବଂ ବନଶ୍ରୀ ମୈତ୍ରୀ ଦଳ ଛାଡିଛନ୍ତି ।ତେବେ ଆଗକୁ ଆହୁରି ତୃଣମୂଳ କଂଗ୍ରେସର ନେତା ବିଜେପିରେ ମିଶିବେ ବୋଲି ଶାହା ସଭାରେ କହିଛନ୍ତି ।
West Bengal: TMC MP from Purba Burdwan, Sunil Mondal and former MP Dasarath Tirkey are among those who joined the BJP in presence of Union Home Minister Amit Shah in Paschim Medinipur.
— ANI (@ANI) December 19, 2020
ଅମିତ ଶାହ ଆହୁରୀ ମଧ୍ୟ କହିଛନ୍ତି ଯେ ଆଜି ଯେଉଁମାନେ ଟିଏମସି ଛାଡି ବିଜେପିରେ ଯୋଗ ଦେଇଛନ୍ତି କେବଳ ପରିବାରବାଦ ପାଇଁ । କାରଣ ସେମାନେ ମା ମାଟି ମଣିଷଙ୍କ ପାଇଁ କାମ କରିବାକୁ ଟିଏମସିକୁ ଆସିଥିଲେ । ହେଲେ ଦିଦି ଏହାକୁ ପରିବାରବାଦରେ ପରିଣତ କରିଛନ୍ତି । ସେହିପରି ପଶ୍ଚିମବଙ୍ଗରେ ବିଜେପି ଓ ଟିଏମସି ମଧ୍ୟରେ ଲାଗି ରହିଥିବା ଛକା ପଞ୍ଝା ମଧ୍ୟରେ ୩୦୦ରୁ ଅଧିକ ବିଜେପି କର୍ମୀଙ୍କ ମୃତ୍ୟୁ ହୋଇଛି । କିନ୍ତୁ ଏଥିରୁ ହାରି ଯିବୁ ନାହିଁ ବରଂ ଯେତିକି ଆକ୍ରମଣ କରାଯିବ ଆମେ ସେତିକି ଶକ୍ତ ହେବୁ ବୋଲି ଶାହା କହିଛନ୍ତି ।
ମେଦିନପୁରର ଜନସମାବେଶରୁ ଶାହା ବେଙ୍ଗଲର ଯୁବ ଗୋଷ୍ଠୀଙ୍କୁ ପ୍ରଶ୍ନ କରି ପଚାରିଛନ୍ତି ଯେ କ’ଣ ଆପଣ ମାନଙ୍କର ଭୁଲ? କାହିଁକି ବେଙ୍ଗଲରେ ବିକାଶ ହୋଇପାରୁ ନାହିଁ? ମୁଁ ବେଙ୍ଗଲର ଚାଷୀଙ୍କୁ ପଚାରିବାକୁ ଚାହୁଁଛି, କାହିଁକି ସେମାନେ ପ୍ରଧାନମନ୍ତ୍ରୀ ମୋଦି ପଠାଉଥିବା ବାର୍ଷିକ ୬ ହଜାର ଟଙ୍କା ପାଉନାହାନ୍ତି? କାରଣ ଏଠାରେ ଶାସନ କରୁଥିବା ଟିଏମସି ବା ମମତା ପଶ୍ଚିମବଙ୍ଗକୁ ନିଜ ସମ୍ପତି ଭାବୁଛନ୍ତି, ତାଙ୍କ ଇଚ୍ଛାରେ ଲୋକମାନେ ଚାଲନ୍ତିୁ ବୋଲି ଚାହୁଁଛନ୍ତି । ଆଜି ଯେଉଁମାନେ ଟିଏମସି ଛାଡୁଛନ୍ତି ଏହାର ମୁଖ୍ୟକାରଣ ମମତା ବାନାର୍ଜୀଙ୍କ ଦୁର୍ନୀତି ଓ ପ୍ରିୟାପ୍ରୀତି ତୋଷଣ ନୀତି । ଦିଦି ମନେ ରଖନ୍ତୁ ଟିଏମସି ନେତା ବିଜେପିରେ ମିଶିବା ଏହା କେବଳ ଆରମ୍ଭ । ନିର୍ବାଚନ ବେଳକୁ ଆପଣ ଏକାକୀ ହିଁ ରହିଥିବେ ବୋଲି ଶାହା କହିଛନ୍ତି ।
