ଶ୍ରୀନଗର : କାଶ୍ମୀର ଓ ଏହାର ଆଖପାଖ ଅଞ୍ଚଳରେ ପ୍ରବଳ ବରଫପାତ ଜାରି ରହିଛି । ଏହାଫଳରେ ଉତ୍ତରଭାରତରେ ମାର୍ଚ୍ଚ ମାସ ପର୍ଯ୍ୟନ୍ତ ଶୀତ ପ୍ରବାହ ଜାରି ରହିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି। ଗୁରୁବାର ଜାମ୍ମୁ-କାଶ୍ମୀରର ଲଦାଖ ଅଞ୍ଚଳରେ ଚଳିତ ଋତୁର ସର୍ବାଧିକ ବରଫପାତ ହୋଇଥିଲା। ପ୍ରାୟ ୧୦ଇଞ୍ଚ ବହଳର ବରଫ ପଡ଼ିବାରୁ ଲେହ ଅଞ୍ଚଳରେ ସ୍ୱାଭାବିକ ଜୀବନଯାତ୍ରା ଗୁରୁତର ଭାବେ ବ୍ୟାହତ ହୋଇଥିଲା। ପ୍ରବଳ ବରଫପାତ ଯୋଗୁଁ ବିମାନସେବା ମଧ୍ୟ ବାତିଲ ହୋଇଛି। ଜାମ୍ମୁ-କାଶ୍ମୀର, ହିମାଚଳ ପ୍ରଦେଶ ଓ ଉତ୍ତରାଖଣ୍ଡର କେତେକ ଅଞ୍ଚଳରେ ଆସନ୍ତା ୪୮ଘଣ୍ଟା ପର୍ଯ୍ୟନ୍ତ ପ୍ରବଳ ବରଫପାତ ସହ କେତେକ ସ୍ଥାନରେ ବର୍ଷାର ସମ୍ଭାବନ ରହିଛି। ଉତ୍ତରପ୍ରଦେଶ, ପଞ୍ଜାବ ଏବଂ ଆଖପାଖ କେତେକ ରାଜ୍ୟରେ ଏହି ସମୟ ମଧ୍ୟରେ ବର୍ଷା ହୋଇପାରେ ବୋଲି ପାଣିପାଗ ବିଭାଗ ପକ୍ଷରୁ ସତର୍କ କରାଇ ଦିଆଯାଇଛି।
Popular Categories
Previous article
Next article