ବର୍ତ୍ତମାନ ବର୍ଷାଦିନ ଚାଲୁ ରହିଛି। ଏହି ସମୟରେ ନିଜକୁ ସୁସ୍ଥ ରଖିବା ପାଇଁ ଅଧିକ ଧ୍ୟାନ ଦେବା ନିତାନ୍ତ ଆବଶ୍ୟକ। ଜୀବନଶୈଳୀ ଠାରୁ ଆରମ୍ଭ କରି ଖାଦ୍ୟ-ପେୟ ପ୍ରତିଟି ଜିନିଷ ପ୍ରତି ଧ୍ୟାନ ଦେବା ଉଚିତ। ଅଧ୍ୟୟନ ଅନୁଯାୟୀ ଯେକୌଣସି ଖାଦ୍ୟକୁ ପ୍ରସ୍ତୁତି ପରେ ଅଧିକ ସମୟ ଯାଏଁ ରଖିବା ଉଚିତ ନୁହେଁ। ଏହାଦ୍ୱାରା ସ୍ୱାସ୍ଥ୍ୟ ଉପରେ ଅନେକ ପ୍ରଭାବ ପଡିଥାଏ। ଜାଣନ୍ତୁ ବର୍ଷା ଦିନେ ଖାଦ୍ୟ ସହ ଜଡିତ କିଛି ଉପାୟ..
ବର୍ଷାଦିନେ ୩ ଘଣ୍ଟାରୁ ଅଧିକ ସମୟ ଯାଏଁ ରହିଥିବା ଖାଦ୍ୟ ଖାଆନ୍ତୁ ନାହିଁ। ଏଭଳି କେତେକ ଜିନିଷ ରହିଛି ଯାହା ଏହି ଦିନରେ ଖରାପ ହେବା ସହ ପେଟ ଜନିତ ଅନେକ ସମସ୍ୟା ସୃଷ୍ଟି କରିଥାଏ। ପେଟରେ ସଂକ୍ରମଣ ସହ ଅନେକ ରୋଗ ସୃଷ୍ଟି ହୋଇଥାଏ। ବର୍ଷାଦିନେ ଲୋକେ ସତେଜ ଓ ଘରେ ପ୍ରସ୍ତୁତ ହେଉଥିବା ଖାଦ୍ୟକୁ ଖାଇବା ଉଚିତ। ଖାଦ୍ୟ ପ୍ରସ୍ତୁତ କରିବା ସମୟରେ ସଫାସୁତୁରା ପ୍ରତି ଅଧିକ ଧ୍ୟାନ ଦେବା ଉଚିତ। ଫଳ ଓ ପନିପରିବାକୁ ଭଲ ଭାବେ ଧୁଅନ୍ତୁ।
ଫଳ ଖାଇବା ସମୟରେ ଧ୍ୟାନ ଦିଅନ୍ତୁ। କଟା ଯାଇଥିବା ଫଳ କିଣନ୍ତୁ ନାହିଁ। କିମ୍ବା କଟା ଫଳକୁ ଅଧିକ ସମୟ ଯାଏଁ ରଖି ଖାଆନ୍ତୁ ନାହିଁ। ଫଳଜୁସ ବଜାରର ଅପେକ୍ଷା ଘରେ ପ୍ରସ୍ତୁତ କରି ପିଅନ୍ତୁ। ବର୍ଷା ଦିନେ ବିଶେଷ କରି ରାସ୍ତାକଡରେ ବିକ୍ରି ହେଉଥିବା ଖାଦ୍ୟ ଆଦୌ ଖାଆନ୍ତୁ ନାହିଁ। ଏହା ଭଲ ଭାବେ ହଜମ ହୋଇନଥାଏ। ପେଟ ଜନିତ ସମସ୍ୟା ସୃଷ୍ଟି କରିଥାଏ। ହଜମ କ୍ରିୟା ଉପରେ କୁପ୍ରଭାବ ପଡିଥାଏ।
ବର୍ଷାଦିନେ ରୋଗପ୍ରତିରୋଧକ ଶକ୍ତି ଦୁର୍ବଳ ଥାଏ। ତେଣୁ ଏହି ସମୟରେ ରୋଗପ୍ରତିରୋଧକ ଶକ୍ତି ମଜଭୂତ ଓ ବୃଦ୍ଧି ପାଇଁ ନିଜ ଖାଦ୍ୟରେ ଅଦା,ରସୁଣ,ଲେମ୍ବୁ ଆଦି ସାମିଲ କରନ୍ତୁ। ଏହାସହ ସ୍ୱାସ୍ଥ୍ୟକର ଖାଦ୍ୟ ଖାଆନ୍ତୁ। ସ୍ୱଚ୍ଛତା ପ୍ରତି ଧ୍ୟାନ ଦିଅନ୍ତୁ। ବାହାରର ଖାଦ୍ୟ ଖାଆନ୍ତୁ ନାହିଁ।
ବର୍ଷାଦିନେ ଖାଦ୍ୟ ପ୍ରସ୍ତୁତିର ୩ ଘଣ୍ଟା ମଧ୍ୟରେ କରନ୍ତୁ ଭୋଜନ
Popular Categories
Previous article
Next article