ମୁହଁର ସୁନ୍ଦରତା ପାଇଁ ଆମେ ବିଭିନ୍ନ କ୍ରିମ ବ୍ୟବହାର କରିଥାଉ। ବଜାରରୁ ଆଣୁଥିବା କ୍ରିମରେ ବହୁ କେମିକାଲ ମିଶିଥାଏ। ମାତ୍ର ଘରେ କିଛି ଦ୍ରବ୍ୟକୁ ବ୍ୟବହାର କରି ଆମେ ମୁହଁକୁ ସୁନ୍ଦର,ଏହାର ଦାଗକୁ ଦୂର କରିବା ସହ ଉଜ୍ଜଳ ମଧ୍ୟ କରିପାରିବା। ଜାଣନ୍ତୁ ସେହି ଘରୋଇ ଦ୍ରବ୍ୟ ବିଷୟରେ…………….
ଟମାଟୋ ଓ କ୍ଷୀର
ପ୍ରଥମେ ଟମାଟୋକୁ ପେଷି (ଗ୍ରାଇଣ୍ଡିଙ୍ଗ୍ )ଦିଅନ୍ତୁ। ଏହା ପରେ ଏହାକୁ ଏକ ସୂତା କପଡ଼ା ସାହାଯ୍ୟରେ ଛାଣିକି ଏକ ପାତ୍ରରେ ରଖନ୍ତୁ। ଏବେ ଯେତିକି ପରିମାଣରେ ଟମାଟୋରୁ ରସ ବାହାରିଛି ସେତିକି ପରିମାଣରେ ଏକ ପାତ୍ରରେ କଞ୍ଚା କ୍ଷୀର ନିଅନ୍ତୁ। ଏବେ ଆଉ ଏକ ପାତ୍ର ନେଇ ଟମାଟୋ ରସ ଓ କ୍ଷୀରକୁ ଭଲ ଭାବେ ଫେଣ୍ଟନ୍ତୁ। ଭଲ ଭାବେ ଫେଣ୍ଟି ଏହାକୁ ଏକ ମିଶ୍ରଣ ଭଳି ପ୍ରସ୍ତୁତ କରନ୍ତୁ।
ଏହାକୁ ରାତିରେ ଶୋଇବା ସମୟରେ ମୁହଁରେ ଲଗାନ୍ତୁ । ଲଗାଇବା ବେଳେ ଭଲ ଭାବେ ମୁହଁରେ ଘଷନ୍ତୁ। ସକାଳେ ଉଠିବା ପରେ ଥଣ୍ଡା ପାଣିରେ ମୁହଁ ଧୋଇ ଦିଅନ୍ତୁ। ଏହାକୁ ଥରେ ପ୍ରସ୍ତୁତ କରି ଫ୍ରିଜରେ ରଖି ୭ଦିନ ପର୍ଯ୍ୟନ୍ତ ବ୍ୟବହାର କରିପାରିବେ। ଏହାକୁ ଲଗାଇଲେ ମୁହଁରେ ଥିବା ଦାଗ ମଧ୍ୟ ଭଲ ହୋଇଥାଏ। ନିୟମିତ ୧ମାସ ବ୍ୟବହାର କଲେ ନିଜେ ଅନୁଭବ କରିପାରିବେ ଏହାର ଚତ୍ମକାରିତା।
