ରକ୍ତରେ ଶର୍କରାର ମାତ୍ରା ନିୟନ୍ତ୍ରିତ ରଖିବା ନିତ୍ୟାନ୍ତ ଆବଶ୍ୟକ ଅଟେ। ଏହା ପାଇଁ ଆପଣଙ୍କୁ ନିଜର ଖାଦ୍ୟପେୟ ସହ ଦୈନିକ ଅଭ୍ୟାସ ଉପରେ ମଧ୍ୟ ଧ୍ୟାନ ଦେବାକୁ ପଡ଼ିବ। ଯହି ଆପଣ ମଧୁମେହ ରୋଗରେ ପୀଡ଼ିତ ତେବେ ଏଥିପ୍ରତି ଅଧିକ ଧ୍ୟାନ ଦେବା ଉଚିତ। ରକ୍ତରେ ଶର୍କରାର ମାତ୍ରା ବଢିଲେ ବହୁ ସ୍ୱାସ୍ଥ୍ୟ ଜନିତ ସମସ୍ୟା ସୃଷ୍ଟି ହୋଇଥାଏ। ରକ୍ତରେ ଶର୍କରାର ମାତ୍ରା ନିୟନ୍ତ୍ରିତ ନ ହେଲେ ଫ୍ୟାଟର ପରିମାଣ ବଢିଥାଏ। ଫଳରେ ମୋଟାପଣ ଭଳି ସମସ୍ୟା ସୃଷ୍ଟି ହୋଇଥାଏ। ଜାଣନ୍ତୁ କେଉଁ ଖାଦ୍ୟ ପଦାର୍ଥର ସେବନ ଦ୍ୱାରା ରକ୍ତରେ ଶର୍କରାର ପରିମାଣ ବୃଦ୍ଧି ପାଇଥାଏ….
କଫି – ଦିନକୁ ୩ ରୁ ୪ ଥର କଫିର ସେବନ କରିବା ଉଚିତ ନୁହେଁ। ଏଥିରେ ଥିବା ତତ୍ତ୍ୱ ରକ୍ତରେ ଶର୍କରାର ମାତ୍ରା ବୃଦ୍ଧି କରିଥାଏ।
ବ୍ରାଉନ ରାଇସ – ବ୍ରାଉନ ରାଇସ ଖାଇବା ଦ୍ୱାରା ଏହା ସହଜରେ ହଜମ ହୋଇଥାଏ। ମାତ୍ର ଏହା ରକ୍ତରେ ଶର୍କରାର ମାତ୍ରା ମଧ୍ୟ ବଢାଇଥାଏ। ତେଣୁ ସପ୍ତାହକୁ ୨ଥର ରୁ ଅଧିକ ବ୍ରାଉନ ରାଇସ ଖାଇବା ଉଚିତ ନୁହେଁ।
ପାଉଁରୁଟି – ବହୁ ଲୋକଙ୍କ ଅଭ୍ୟାସ ଜଳଖିଆରେ ପାଉଁରୁଟି ଖାଇବା। ମାତ୍ର ନିୟମିତ ପାଉଁରୁଟି ଖାଇବା ଦ୍ୱାରା ଏହା ରକ୍ତରେ ଶର୍କରାର ମାତ୍ରା ବୃଦ୍ଧି କରିଥାଏ। ତେଣୁ ନିୟମିତ ପାଉଁରୁଟି ଖାଆନ୍ତୁ ନାହିଁ।
ଦହି, ବଟର, ଚିଜ ଓ କ୍ଷୀରରେ ଆଦିରେ ବହୁ ଭିଟାମିନ, ଫାଇବର ଆଦି ରହିଛି। ମାତ୍ର ଏହି ସମସ୍ତ ଖାଦ୍ୟପଦାର୍ଥକୁ ମଧ୍ୟ ଅଧିକ ପରିମାଣରେ ଖାଇବା ଦ୍ୱାରା ରକ୍ତରେ ଶର୍କରାର ମାତ୍ରା ବୃଦ୍ଧି ହୋଇଥାଏ। ତେଣୁ ଏହି ସମସ୍ତ ଖାଦ୍ୟଦ୍ରବ୍ୟକୁ ସଠିକ ପରିମାଣରେ ଖାଆନ୍ତୁ।
ଜାଣନ୍ତୁ କେଉଁ ଖାଦ୍ୟ ରକ୍ତରେ ଶର୍କରାର ମାତ୍ରା ବୃଦ୍ଧି କରିଥାଏ
Popular Categories
Previous article
Next article