ସମାଜ ଡିଜିଟାଲ ଡେସ୍କ: ଶେଖ ହସିନା ପ୍ରଧାନମନ୍ତ୍ରୀ ଭାବେ ବାଂଲାଦେଶକୁ ଫେରିବେ। ଏପରି ଦୃଢ଼ୋକ୍ତି ପ୍ରକାଶ କରିଛନ୍ତି ଅୱାମୀ ଲିଗ୍ର ବରିଷ୍ଠ ନେତା ରବ୍ବି ଆଲମ। ହସିନାଙ୍କୁ ନିରାପଦ ଆଶ୍ରୟ ଦେଇଥିବାରୁ ସେ ଭାରତକୁ ଧନ୍ୟବାଦ ଜଣାଇଛନ୍ତି। ସେ କହିଛନ୍ତି, ବାଂଲାଦେଶର ଯୁବପିଢ଼ି ଗୋଟିଏ ବଡ଼ ଭୁଲ କରିଛନ୍ତି। କିନ୍ତୁ ତାହା ସେମାନଙ୍କୁ ଭୁଲ ନୁହେଁ। ସେମାନଙ୍କୁ ଭୁଲ କରିବାକୁ ବାଧ୍ୟ କରାଯାଇଛି। ଆଳମ ବର୍ତ୍ତମାନର ପ୍ରଧାନମନ୍ତ୍ରୀ ମହମ୍ମଦ ୟୁନୁସଙ୍କୁ ସେ ଇସ୍ତଫା ଦେଇ ଯେଉଁଠୁ ଆସିଛନ୍ତି ସେଠାକୁ ଚାଲିଯିବାକୁ କହିଛନ୍ତି। ହସିନା ଖୁବଶୀଘ୍ର ପ୍ରଧାନମନ୍ତ୍ରୀ ହୋଇ ସ୍ବଦେଶ୍ଵ ପ୍ରତ୍ୟାବର୍ତ୍ତନ କରୁଥିବା ସେ କହିଛନ୍ତି।
ଆଲମ ଆହୁରି କହିଛନ୍ତି ଯେ, ଦେଶରେ ରାଜନୈତିକ ଅଭ୍ୟୁଦୟ ହେବା ଭଲ। କିନ୍ତୁ ବର୍ତ୍ତମାନ ବାଂଲାଦେଶରେ ଯାହାସବୁ ହେଉଛି ତାହା ହେବା ଅନୁଚିତ। ଦେଶରେ ରାଜନୀତି ନୁହେଁ, ବରଂ ଆତଙ୍କବାଦୀଙ୍କ ଅଭ୍ୟୁଦୟ ହେଉଛି। ଆମର ଅନେକ ନେତା ଭାରତରେ ଆଶ୍ରୟ ନେଇଛନ୍ତି। ସେଥିଲାଗି ଆମେ ଭାରତ ସରକାରଙ୍କ ପ୍ରତି କୃତଜ୍ଞ। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଭାରତର ସମସ୍ତ ନାଗରିକଙ୍କୁ ସେ ଧନ୍ୟବାଦ ଜଣାଇଛନ୍ତି।
