ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ସଦରମହକୁମା ଚାରିଛକଠାରେ ନୂତନ ପ୍ରଥମ ଶ୍ରେଣୀ ବିଚାରବିଭାଗୀୟ ଅଦାଲତ(ଜେ.ଏମ.ଏଫ.ସି କୋର୍ଟ) ନୂତନ କୋଠା ନିର୍ମାଣ ପାଇଁ ସୋମବାର ଭୁମିପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଭୂମିପୂଜନ କାର୍ଯ୍ୟକ୍ରମରେ ବୌଦ୍ଧଜିଲ୍ଲା ଦୌରାଜଜ୍ ଅରବିନ୍ଦ କୁମାର ଗୁରୁ, ଜିଲ୍ଲା ରେଜିଷ୍ଟର ପ୍ରୀତିଶ୍ କୁମାର ରାଉତରାୟ, ହରଭଙ୍ଗା ଓକିଲ ସଂଘ ସଭାପତି ଅକ୍ଷୟ କୁମାର ସାହୁ, ସ୍ଥାନୀୟ ବି.ଡି.ଓ ନୀଳକ୍ଣ୍ଠ ବେହେରା, ବ୍ଲକ ଅଧ୍ୟକ୍ଷ ବିଶ୍ୱଜିତ ମିଶ୍ର, ଓକିଲ ସଂଘ ସଂପାଦକ ରଞ୍ଜିତ ପ୍ରଧାନ, ସହକାରୀ ପ୍ରୋଜେକ୍ଟ ମ୍ୟାନେଜର ବାବୁଲି ହେମ୍ବ୍ରମ୍ ପ୍ରମୁଖ ଯୋଗଦାନ କରିଥିଲେ। ୩କୋଟି ୧୬ଲକ୍ଷ ୯୭୭ଟଙ୍କା ବ୍ୟୟବରାଦରେ ହରଭଙ୍ଗା ଜେ.ଏମ.ଏଫ.ସି କୋର୍ଟର ନୂତନ କୋଠା ନିର୍ମାଣ କରାଯିବ ବୋଲି ଜଣାପଡ଼ିଛି। ହରଭଙ୍ଗାରେ ପ୍ରଥମ ଶ୍ରେଣୀ ବିଚାବିଭାଗୀୟ କୋର୍ଟ ଶୁଭାରମ୍ଭ ହେଲେ ବହୁ ଫୌଜଦାରୀ ଏବଂ ଦେବାନୀ ମାମଲା ସମାଧାନ ପାଇଁ ଆଉ ଜନସାଧାରଣଙ୍କୁ ବାରମ୍ବାର ବୌଦ୍ଧ ଦୌଡିବାକୁ ପଡ଼ିବନାହିଁ।
Comments are closed.