ହରଭଙ୍ଗା : ହରଭଙ୍ଗା ବ୍ଲକର ପୁରୁଣାକଟକ ପଂଚାୟତର କଲ୍ୟାଣମଣ୍ଡପ ପ୍ରାଙ୍ଗଣରେ ସୋମବାର ବୌଦ୍ଧ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ମିଳିତ ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବ୍ଲକର ବିଭିନ୍ନ ଅଂଚଳରୁ ୮୧ଟି ଅଭିଯୋଗର ପଞ୍ଜିକରଣ ହୋଇଥିଲା । ସେଥିରୁ ୭୪ଟି ବ୍ୟକ୍ତିଗତ,୦୭ଟି ସାମୁହିକ ଅଭିଯୋଗ ରହିଥିଲା । ସେଥିରୁ ବୌଦ୍ଧ ଜିଲ୍ଲାପାଳ ସତ୍ୟରଞ୍ଜନ ସାହୁ ୩୯ଟି ଅଭିଯୋଗର ଶୁଣାଣି କରି ଏହାର ସମାଧାନ ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ଏହା ସହିତ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ୧୨ଜଣଙ୍କୁ ୫୮ହଜାର ଟଙ୍କା ଏବଂ ରେଡକ୍ରସ ପାଣ୍ଠିରୁ ୧୧ଜଣଙ୍କୁ ୪୫ ହଜାର ଟଙ୍କା ସହାୟତା ପ୍ରଦାନ କରାଯାଇଥିଲା । କାର୍ଯ୍ୟକ୍ରମରେ ଜିଲ୍ଲାପାଳଙ୍କ ସହିତ,ବୌଦ୍ଧ ଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସାହାଇ ମୀନା, ଜିଲ୍ଲାପରିଷଦ କାର୍ଯ୍ୟନିର୍ବାହୀ ଅଧିକାରୀ ଅଶ୍ୱିନୀ କୁମାର ମେହେର,ସି.ଡି.ଏମ.ଓ ଅଭୟ କୁମାର ଦାସ, ହରଭଙ୍ଗା ବି.ଡି.ଓ ରବିନ୍ଦ୍ରନାଥ କହଁର,ସ୍ଥାନୀୟ ସରପଂଚ ଅଶୋକ କୁମାର ସେଠୀଙ୍କ ସହିତ ବହୁ ଜିଲ୍ଲାସ୍ତରୀୟ ପଦାଧିକାରୀ ସାମିଲ ଥିଲେ ।
Popular Categories
Previous article
Next article