ହରଭଙ୍ଗା : ହରଭଙ୍ଗା ବ୍ଲକ ସଦରମହକୁମା ଚାରିଛକସ୍ଥିତ ମଧ୍ୟ ଇଂରାଜୀ ବିଦ୍ୟାଳୟରେ ପ୍ରଧାନଶିକ୍ଷକ ବଦଳି ପ୍ରତିବାଦରେ ଅଭିଭାବକମାନେ ବୁଧୁବାର ତାଲାପକାଇ ଏହାର ପ୍ରତିବାଦ ଜଣାଇଛନ୍ତି। ଅନ୍ୟପଟେ ସ୍କୁଲ ସମ୍ମୁଖରେ ଧାରଣାରତ ଛାତ୍ରଛାତ୍ରୀଙ୍କ ସହ ଅଭିଭାବକ ସାମିଲ ହୋଇଥିବା ଜଣାପଡିଛି। ପ୍ରକାଶ ଯେ ଚାରିଛକ ମଧ୍ୟଇଂରାଜୀ ବିଦ୍ୟାଳୟରେ ଷଷ୍ଠରୁ ଅଷ୍ଟମ ପର୍ଯ୍ୟନ୍ତ ୧୪୭ ଜଣ ପିଲା ପାଠପଢୁଛନ୍ତି। ଏମାନଙ୍କ ଶିକ୍ଷାଦାନ ପାଇଁ ପ୍ରଧାନଶିକ୍ଷକଙ୍କୁ ମିଶାଇ ୦୬ ଜଣ ଶିକ୍ଷକ ରହିଛନ୍ତି। ଗତ ମଙ୍ଗଳବାର ୫୯ ଜଣ ଶିକ୍ଷକଙ୍କୁ ପ୍ରଧାନଶିକ୍ଷକଭାବେ ପଦୋନ୍ନତି ମିଳିଛି। ପଦୋନ୍ନତି ପରେ ପ୍ରଧାନଶିକ୍ଷକ ନିର୍ମଳ ରଣାଙ୍କୁ ଚାରିଛକ ମଧ୍ୟଇଂରାଜୀ ବିଦ୍ୟାଳୟରେ ନିଯୁକ୍ତି ପ୍ରଦାନ କରାଯାଇଛି। ତାଙ୍କ ନିଯୁକ୍ତି ବଦଳରେ ପ୍ରଧାନ ଶିକ୍ଷକ ଶୁଶିଲ ଭୋଇଙ୍କୁ ଲୋକାପଡା ମଧ୍ୟ ଇଂରାଜୀକୁ ବଦଳି କରାଯାଇଛି। ପ୍ରଧାନ ଶିକ୍ଷକ ଶୁଶିଲ ଭୋଇଙ୍କ ବଦଳି ପ୍ରତିବାଦରେ ଅଭିଭାବକମାନେ ସ୍କୁଲରେ ତାଲା ପକାଇଥିବା ଜଣାପଡିଛି। ଅନ୍ୟପଟେ ଆଲୋଚନା ପାଇଁ ଘଟଣାସ୍ଥଳରେ ସି.ଆର.ସି.ସି ପଂହଚି ଅଭିଭାବକଙ୍କୁ ବୁଝାଇବା ପରେ ମଧ୍ୟ ସେମାନେ ବିଇଓ ଏବଂ ଡିଇଓ ଆସି ଆଲୋଚନା କଲାପରେ ଯାହାହେବ ବୋଲି କହିଛନ୍ତି । ବିଇଓ ଘଟଣାସ୍ଥଳରେ ପହଂଚି ତୁରନ୍ତ ସମାଧାନ କରିବାକୁ ଦାବି ହେଉଛି।
Popular Categories
Previous article
Next article