ହରଭଙ୍ଗା: ଜେଏମ୍ଏଫ୍ସି କୋର୍ଟ ପ୍ରତିଷ୍ଠା ଦାବିରେ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ରେ ଆଜି ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି। ସିପିଆଇ ପକ୍ଷରୁ ଏହି ବନ୍ଦ ଡାକରା ଦିଆଯାଇଥିବା ଜଣାପଡିଛି। ବିକ୍ଷୋଭକାରୀଙ୍କ ପକ୍ଷରୁ ହରଭଙ୍ଗା, ଚାରିଛକ, ଛତ୍ରଙ୍ଗ, ପୁରୁଣାକଟକ, ମାଧପୁର ଓ ଲୁଣିବାହାଲ ଆଦି ସ୍ଥାନରେ ବିକ୍ଷୋଭ ପ୍ରଦର୍ଶନ କରିଯାଇଛି । ଏହାର ପ୍ରଭାବରେ ଦୋକାନ ବଜାର ବନ୍ଦ ରହିବା ସହ ସ୍ଥାନୀୟ ଅଞ୍ଚଳରେ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାନୁଷ୍ଠାନ ବନ୍ଦ ରହିଛି। ୫୭ ନମ୍ୱର ଜାତୀୟ ରାଜପଥ ବନ୍ଦ ରହିବା ଫଳରେ ଫୁଲବାଣୀ, ନୟାଗଡ, ବୌଦ୍ଧ ଓ ସୋନପୁର ଜିଲାକୁ ଯୋଗଯୋଗ ବିଚ୍ଛିନ୍ନ ରହିଛି।
- Advertisement -
ସୂଚନାଯୋଗ୍ୟ, ହରଭଙ୍ଗା ବ୍ଲକ୍ରେ ଜେଏମ୍ଏଫ୍ସି କୋର୍ଟ ପ୍ରତିଷ୍ଠା ପାଇଁ ପୂର୍ବରୁ ସରକାର ବିଜ୍ଞପ୍ତି ପ୍ରକାଶ ପାଇଥିଲେ ମଧ୍ୟ ତାହା ଏପର୍ଯ୍ୟନ୍ତ ହୋଇପାରୁ ନାହିଁ। ଫଳରେ କୋର୍ଟ କଚେରୀ କାମ ପାଇଁ ସ୍ଥାନୀୟଲୋକଙ୍କୁ ପ୍ରାୟ ୮୦ କିମି ଦୂରକୁ ଯିବାକୁ ପଡୁଛି।
