ହରଭଙ୍ଗା: ବହୁପ୍ରତୀକ୍ଷିତ ଧଳପୁର-ଆଠମଲ୍ଲିକ ମହାନଦୀସେତୁ ନିର୍ମାଣକାର୍ଯ୍ୟ ଶେଷ ପର୍ଯ୍ୟାୟରେ ପଂହଚିଛି। ଆଉ କିଛିଦିନ ପରେ ଉକ୍ତ ସେତୁର ଶୁଭ ଉଦଘାଟନ କରାଯିବ ବୋଲି ସୂଚନା ମିଳିଛି। ମାତ୍ର ସେତୁକୁ ସଂଯୋଗ କରୁଥିବା ହରଭଙ୍ଗା ଠାରୁ ଧଳପୁର ପର୍ଯ୍ୟନ୍ତ ଦୀର୍ଘ ୧୯ କିଲୋମିଟର ରାସ୍ତା ପ୍ରତିବର୍ଷ ମହାନଦୀ ବନ୍ୟାରେ ପ୍ରଭାବିତ ହେଉଛି। ବହୁ ସ୍ଥାନରେ ରାସ୍ତା ଉପରେ ବନ୍ୟାଜଳ ଅଟକି ରହୁଥିବାରୁ ବିଶେଷତଃ ବର୍ଷାଦିନେ ଏହି ରାସ୍ତାରେ ଯୋଗାଯୋଗ ବିଛିନ୍ନ ହୋଇପଡୁଛି। ଧଳପୁର-ଆଠମଲ୍ଲିକ ସେତୁକାର୍ଯ୍ୟ ସମ୍ପର୍ଣ୍ଣ ପରେ ହରଭଙ୍ଗା-ଧଳପୁର ରାସ୍ତାଉପରେ ଗମନାଗମନ ବୃଦ୍ଧି ପାଇବ।ଏହାକୁ ଦୃଷ୍ଟିରେ ରଖି ହରଭଙ୍ଗା ଠାରୁ ଧଳପୁର ପର୍ଯ୍ୟନ୍ତ ହାଏଲେବଲ ସ୍ଥାୟୀ ରାସ୍ତା ନିର୍ମାଣ ପାଇଁ ସାଧାରଣରେ ଦାବୀ ଉଠୁଛି। ଏହା ସହିତ ମହାନଦୀ ତଟ ସୁରକ୍ଷା ପାଇଁ ହରଭଙ୍ଗା ଠାରୁ ଧଳପୁର ପର୍ଯ୍ୟନ୍ତ ଆଡିବନ୍ଧ ନିର୍ମାଣ କରାଯିବାକୁ ବୁଦ୍ଧିଜୀବି ମହଲରେ ମତ ପ୍ରକାଶ ପାଉଛି।
Popular Categories
Previous article
Next article