ହରଭଙ୍ଗା: ହରଭଙ୍ଗା ବ୍ଲକ ପିତାମ୍ବରପୁର ପଞ୍ଚାୟତ ବଲଣ୍ଡା ଗ୍ରାମର କିଡନୀ ରୋଗାକ୍ରାନ୍ତ ବିଛନ୍ଦ ବାରିକ(୫୨) ଭଳି ଜଣେ ଅସହାୟ ଗରିବ ବ୍ୟକ୍ତି ଚିକିତ୍ସାଭାବରୁ ମୃତ୍ୟୂ ସହ ସଂଗ୍ରାମ କରୁଥିବା ଏକ ଶୀର୍ଷକ ଖବର ‘ସମାଜ ଲାଇଭ’ରେ ପ୍ରକାଶ ପାଇଥିଲା। ଖବର ପ୍ରସାରିତ ପରେ ସଙ୍ଗେ ସଙ୍ଗେ ହରଭଙ୍ଗା ବିଡିଓ ନୀଳକଣ୍ଠ ବେହେରା ନିଜେ ବିଛନ୍ଦଙ୍କ ପାଖରେ ପହଞ୍ଚିଥିଲେ। ବିଛନ୍ଦଙ୍କ ସହିତ କଥାବାର୍ତ୍ତା ହେବା ସହିତ ନିଜ ଆଖିରେ ତାଙ୍କର ଭଙ୍ଗାକୁଡିଆ ଘର ଏବଂ ପରିବାର ଅବସ୍ଥା ଦେଖି ଦୁଃଖ ପ୍ରକାଶ କରିଥିଲେ। ବିଛନ୍ଦଙ୍କ ପୁଅ ଛେଳି ଚରାଇ ପରିବାର ଚଳାଉଥିବା ମଧ୍ୟ ବିଡିଓ ଜାଣିବାକୁ ପାଇଥିଲେ। ବିଛନ୍ଦ ଏବଂ ତାଙ୍କ ପରିବାରର ଅବସ୍ଥା ବିଡିଓ ଦେଖିବାପରେ ଏ ସମ୍ପର୍କରେ ବୌଦ୍ଧ ଉପଜିଲ୍ଲାପାଳ ଅଶ୍ୱିନୀ ମେହେରଙ୍କୁ ଅବଗତ ମଧ୍ୟ କରାଇଥିଲେ। ଉପଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ବିଡିଓ ବିଛନ୍ଦଙ୍କୁ ଗ୍ରାମୀଣ ଆବାସ ଯୋଜନାରେ ଏକ ପକ୍କାଘର ଯୋଗାଇଦେବା ସହିତ ତାଙ୍କ ବ୍ୟାଙ୍କ ଜମାଖାତାକୁ ଘର ନିର୍ମାଣ ପାଇଁ ପ୍ରଥମ କିସ୍ତି ୨୦ହଜାର ଟଙ୍କା ପ୍ରଦାନ କରିଥିବା ଜଣାପଡିଛି ଏବଂ ତାଙ୍କୁ ତୁରନ୍ତ ଭତ୍ତା ମଧ୍ୟ ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି। ବ୍ଲକ ପ୍ରଶାସନ ପକ୍ଷରୁ ଏଭଳି ସରକାରୀ ସହାୟତା ପିଡୀତ ପରିବାରକୁ ଆଶ୍ୱସ୍ତୀ କରିଛି। ବିଛନ୍ଦ ତୁରନ୍ତ ଚିକିତ୍ସା ସହାୟତା ଯୋଗାଇଦେବା ପାଇଁ ବିଡିଓଙ୍କ ନିକଟରେ ପ୍ରାର୍ଥନା କରିଛନ୍ତି।
Popular Categories
Previous article
Next article